اقتراح في خصوص الدردشة((مهم جداً))

[ايلي]

اقتراح في خصوص الدردشة((مهم جداً))

وأقول مهم جداً لمزيد من التواصل ونزولاً عند رغبة المغترب ويعقوب واعتقد أنها رغبة الجميع.
بعدين يا شباب الدردشة عبتكلفنا شوية عملة لا تروحوها عالفاضي.

الاقتراح كالتالي بتوقيتين
يومياً حوالي 7 عصراً
و حوالي الـ 12 ليلاً

هما موعدان أكيد بتوقيت سوريّا
للقائنا على الدردشة ونتمنى من كل عضو على الأقل التواجد بأحد التوقيتين.

ولكم كل الحب.

[Hanan]

جميل ان يكون هناك تواصل بشكل مستمر بين اعضاء المنتدى
وأن يتم استغلال وقت الدردشة للبحث في قضايا المنتدى وتطوير مسيرته بالإضافة إلى التعارف بين الأعضاء وخاصة الجدد

سأحاول التواجد في هذه الأوقات ... متى سمحت لي الفرصة مع أني لست من هواة الدردشة

[bshara]

وأحلى إيلي والشباب ......

يا عيني عليك عالقليلة بشوف حدا
لأنو لهلء ما عم أحكي غير مع حالي :wink:
أنا معكون إنشالله

[bahhar]

اي لعيونك استاز ايلي منكون متواجدين بالاوقات يلي عم تحكي عليا مو تكرم عينك ..... ولو يا غالي انت بس قلنا شو بدك ونحن جاهزين :evil_smil

[ابوعذاب]

فكرة كتير حلوي للتواصل مع الاصدقاء والاهل في الداخل وفي بلاد المغترب
ومنسمع صوت الاصدقاء
وبيسمعو كمان صوتي
يلي هوي متل
تركتور
الفلاحة
:tractor:

[المغترب]

يا شباب ما بدنا بس حكي انبيرحا تميت نيطر لساعة وحدة و ما حدا دخل بلكي منشوفكون اليوم
:cheers:

[عبودة]

و اناجاهز في مسيو ايلي و استاذ جاك :wink: و يا ريت كون متل ما كنت لانو انا على طول متل ما اناااااااااااااااااااااااااااااا و تحيااااااااتي الى مشجعي نادي حطين من رابطة مشجعين الاهلي الحلبي :wow:

[ابوعذاب]

أخ مغترب انت عم تقول انك ساعة وناطرنا بس انا ضليت ساعة وعم حاول ما قدرت ادخل بس شو السبب ما بعرف مع اني حطيت الكلمة السرية

[Jack]

أبو عذاب حبيب قلبي ابعتلي شو مشكلتلك وشو عميعطيك لقلك كيف بتفوت....

[ابوعذاب]

مشكور ابو روما للمساعدي ...يلي عم يصير معي

كل ما بحط اسم المستخدم وبعدين الكلمة السرية وبعمل اوكي

بتكون الفراغات رجعت فارغة من جديد
ولهلق نفس الشي فياريت شي فكرة