ميزات العزوبية للبنات

[mrsa]

(1)
تنامي براحتك وتتحركي في الفراش كما تشائين دون ان تخافي ان توقظي زوجك النائم

(2)
غطاء الفراش لك وحدك لن تستيقظي في منتصف الليل لتجديه اختفى

(3)
تستمتعين بنوم هادئ بدون صوت شخير مزعج
(4)
لن تضطري للشجار حول اشياء لا تستطيعي تفسيرها(!!!!!!)

(5)
ريموت التلفزيون سيظل في يدك ......لك وحدك

(6)
اذا قمتي بتنظيف البيت فسيبقى على هذا الحال طويلا

(7)
يمكنك اكل البصل والثوم كما يحلو لك دون تردد لا نك نسيتي ان تشتري معطر للفم بالنعناع


(8)
اذا اصابك الغضب او الاكتئاب لدقائق وتفوهتي بائ شئ لن تجدي من يحلل كلامك تحليلا نفسيا ينتهي بضرورة عرضك على أخصائي

(9)
تستطيعين شراء اي شئ تريدينه مهما كان غاليا دون ان تسمعي العباره المشهوره هل كنتي بحاجه لشراء الاشياء التافهه التي كلفت ثروه

(10)
لن تضطري لاستضافة أصدقائه الذين يقضون السهره في الحديث عن ملكات الجمال والمذيعات

(11)
لن تضطري لمشاهدة جميع نشرات الأخبار وجميع البرامج السياسيه والبرامج الرياضيه

(12)
أذا طبختك (.........) لن تضطري لسماع الأنتقادات
(13)

اذا جلستي ساعات طوال امام المرئاة لن تطري لسماع كلمات مثل
(خلصينا بقا صرلك ساعتين قدام المراية ما حدا بدو يتطلع بوشك)
(14)
لن تطري لمسايرة ام زوجك واسماعها الكلام المعسول لكي تتجنبي طول لسانها
(15)
لن تطري للاستيقاظ باكرا لكي تجهزي الفطور للاولاد قبل ذهابهم للمدرسة

ولسى في كتيرررررر:dance:

[ABEER]

عزيزي مرسى
مزبوط انت عم تحكي انو هي ميزات العزوبية للبنت بس كل شي الو وقتو
وهلا بورجيك ميزة الزواج للبنت بس اذا كان الزواج ناجح طبعا وكان عن تفاهم وحب

1- في احلا من احساس انو الشخص اللي بتحبو واللي نقيتو وبديتو عن الكل يكون ناحك فشي اكيد رح كون مرتاحة وهو رح يكون مرتاح
2- اذا هو اخد الغطا من علي معلي لانو بس يحس رح يرجع يغطيني هو بايدو
3- انا رح كون مرتاحة ومبسوطة بصوت شخيرو
4- الشجار لا بد منو بكل شي وما بظن انو في شي رح يكون بيناتنا وما الو تفسير
5- اصلا لما نكون سوا ما بيهمني التلفزيون كتير وما بيصفي مشكلة كبيرة
6- ليش هو ما يحافظ على نظافة البيت بعدين اذا هو مرتاح انا ما عندي مشكلة مستعدة نضف كل شوي
7- اذا انا اكلت بصل وتوم اكيد هو كمان رح يكون اكل بصل وتوم فما صفيت مشكلة يعني ما رح نحس بهل الشي لانو تنيناتنا اكلين من نفس الاكل
8- اذا عصبت او اكتئبت مافي حدا غيرو بيروقني واكيد مارح يعد يحلل كلامي
9- انا اكيد مارح اشتري شي بلا طعمة وبعدين حسب امكانيتو
10- يحكي هو ورفقاتو شو ما بدون المهم مرجوعو الي
11- نحنا لازم نشوف اخبار وبرامج سياسية ورياضة وكلو الو وقتو
12- اذا طبخي ما كان طيب بيتحسن بعدين واذا كان بيحبني كل شي من ايدي رح يعجبو
13- بالعكس اذا كان بيحبني ما رح يسمعني هيك كلام بس ممكن يضحك علي ويقلي انتي حلوة بدون شي
14- اذا هي ما كانت منيحة معي بسايرا كرمالو
15- ليش في احلى من انك تقوم الصبح وتعمل فطور للي بتحبون

بعرف انك رح تقول انو حكيي كتير مثالي وماالو علاقة بالواقع بس انا عم احكي عن تنين متفاهمين وبيحبو بعض

شكرا

[الياس جرتتيان]

كم انتي مثاليه يا انسه عبير بس الحكي بيضل حكي وبكرا بس الله طعمك وتزوجتي رح تحسي بهالنعم الي تكلم عنها مرسى وانا متاكد ان ما رح تقدري تعملي بالمثاليات الي حكيتيها لان الحكي مو متل الشوف .
موفقه انسه عبير ونيالوا لسعيد الحظ اذا انتي فعلا هيك لان بدها تكون امه داعيتلوا بليله القدر ودمتم .

[bahhar]

والله امو داعيتلو خي الياس .......... وريتو يتهنا ... لانو متهنا والله
مع حبي الكم جميعا

[Jack]

بوكرا جاي الأيام وبتنصدمي الصدمة اللي ما بدي انصدما أنا ....
ما هيك خي بحار.!!!!

[ABEER]

يا جماعة طولو بالكون علي شوي

اول الش انا زكرت انو انتو رح تقولو اني عم احكي مثاليات
بس ليش اذا ممكن انو نكون هيك فعلا ونعيش مبسوطين فعلا نحرم حالنا من هل الشي
ولا تنسو اني قلت انو زواج تنين متفاهمين وبيحبو بعض
انا عني مارح اتزوج واحد غير ما كون متفقة معو فكريا كتير كتير وقبل ما حبو حتى لانو التفاهم هو اللي بيولد الحب
ومشان هيك رح كون اكيد متل ما انا قلت
وبتمنى كل واحد فيكون ياخد الشخص اللي بيحبو وبيتفاهم معو ويعيش مبسوط
وشكرا لالكون كلاياتكون على رايكون

[mrsa]

يا شباب شو صاير عليكون ريحين تعلقو ببعض
بعدين الانسة عبير يمكن مو عايشة على كوكب الارض
و هي مثالية كتير بس انشالله الله بيبعتلك ابن الحلال
و لنشوف وقتا رح يتغير رائيك 360 درجة
و بعدين بحار عم بيقول امو داعيتلو
اي روح انشالله امك تدعيلك
واخير بقلكون الله لا يجربنا بشي اسمو زواج
وشكرا على ردودكون

[ABEER]

عزيزي مرسى

انا مو عايشة بغير كوكب ولاني مثالية متل ما الكل عم يحكي اصلا انا اول وحدة بيناتكون اللي ما رح تتزوج لانو الشي اللي عم احكي عنو مو موجود مشان هيك انا ما عندي استعداد شوه الفكرة اللي ببالي ومو عيب الواحد يحلم بهل الشي
وشكرا