التبّولة السورية

[ابوعذاب]

أما بالنسبة للمقادير أذا ل3 أشخاص

عدد 3 ضمة بقدونس خضراء نضرة
عدد 8 الى 10 أوراق نعنع ( الورق فقط)
عدد 3 حبات بندورة حمراء وقاسية شوي
عدد 3 بصلات خضراءبجذوعها الخضراء
برغل ناعم بمقدار نصف فنجان قهوة أو أكتر شوي مافي مشكلي
عدد 2 ليمون حامض معصور
ملعقة صغيرة ملح
زيت زيتون بس شرط يكون أصلي بمقدار فنجانين قهوة
رشة فلفل أسود وفلفل حلو (رشة صغيرة جدا)
و رشة فلفل حار (او أكثر حسب الرغبة)
رشة سماق


الطريقة :

-يفرم البقدونس ناعما بسكين حاد و يغسل بالماء و يفوح على الأقل 4 مرات حتى التأكد من نظافته و يصفى
- يغسل النعنع و يصفى و يفرم و يدفن في داخل البقدونس المفروم حتى لا يسود
- تفرم البندورة ناعمة
- يفرم البصل الأخضر مع أوراقه ناعما
(ضع البندورة و البصل في وعاء فوق البقدونس و النعنع المفروم و حطهون بالبراد بدون خلطهم مع بعض حتى يحين وقت التقديم

- يغسل البرغل الناعم و يصفى و ينقع مع عصير الليمون و الزيت و البهارات المذكورة أعلاه. (يفضل نقعه قبل نصف ساعة او ساعة فقط قبل التقديم)
- عند التقديم يتم خلط الخضراوات المفرومة أعلاه ببعضها مع مزيج البرغل المنقوع

و تقدم التبولة الى جانبها أوراق الخس

عادتا ماتقدم مع بعض المقبلات
متل الحمّص , متبل , مسقعة, ورق عنب, لبنة ,سمكة حرة, شنكليش, كبنة نية ,هبرة نية,قصبة نية,فتلية نية ومع شوية مشاوي , لحم مشوي , كباب , شيش طاووق , فروج مشوي
وصحتين وعافية

http://dardaracascade.free.fr/images/restaurant/resto_03_%20.jpg

[Yacoub]

بس أبوعذاب انسيت أنو التبولة ما بتتاكل إلا اذا في جانبها كاس عرق بلدي أو جالسين على البلكون وامامك الطبيعة والهوى عمبيلعب لعب

[luli]

يسلمووووو هالايدين ابو عزاب .. اكيد الاكل السوري والتبولة السورية لا يعلى عليها بنوب ..

يسلموون الهي ..

[ثريا]

اكيد التبولة السورية مافي اطيب منها

انا بحبها كثير ومعها صحن متبل

يسلمو هالايدين خي ابو عذاب