ميشيل عون عاد... هل علينا أن نقلق؟

[ايلي]

عاد ميشيل عون من منفاه ...
وكثيرون من الأغبياء ينتظرونه
لم نعد نعرف مَنْ مِنَ اللبنانيين مع من ومن منهم على من
لم يبقَ لون إلا وشاهدناه رسناً على رقبة أحدهم
لم يبقوا لنا من الألوان لنضعه وشاحاً على عنقنا في يوم خريفٍ بارد .



حاولوا البحث معنا على لون جديد لم يأخذوه بعد...



http://www.w6w.net/upload/08-05-2005/w6w_w6w20050508021429825ab77f.jpg

[تموز]

والله يا عزيزي إيلي برايي في بلبنان مليون ميشيل عون لأن حتى هادا العون أحيانا ما بتعرف هو مع سوريا ولا ضد سوريا و أغلب اللبنانيين هيك وهني فعلا متلونين دائما بحسب الظروف وعندهم المثل القائل مين بيتجوز أمي بقللوا يا عمي دارج والو قيمتو بالعكس هادي مقولة مقدسة ومن خلال علاقتك بأي لبناني رح تكتشف هاد الشي خصوصا ببلاد الاغتراب ومومعقول بالسياسة يكونوا مبدئيين لأن ما بقي شي عندهم . . . ..

وبرأيي هناك سبب لهذا التلون اللبناني في الأقوال والأفعال لا بل هناك اسباب لمجمل تحولات الشخصية اللبنانية سنبحث بها سويا في مرة قادمة . . . . . .

[عبودة]

والله يا عزيزي إيلي برايي في بلبنان مليون ميشيل عون لأن حتى هادا العون أحيانا ما بتعرف هو مع سوريا ولا ضد سوريا و أغلب اللبنانيين هيك وهني فعلا متلونين دائما بحسب الظروف وعندهم المثل القائل مين بيتجوز أمي بقللوا يا عمي دارج والو قيمتو بالعكس هادي مقولة مقدسة ومن خلال علاقتك بأي لبناني رح تكتشف هاد الشي خصوصا ببلاد الاغتراب ومومعقول بالسياسة يكونوا مبدئيين لأن ما بقي شي عندهم . . . ..

وبرأيي هناك سبب لهذا التلون اللبناني في الأقوال والأفعال لا بل هناك اسباب لمجمل تحولات الشخصية اللبنانية سنبحث بها سويا في مرة قادمة . . . . . .و الله يا ابو صلاح انا معك يا سيدي في مليون هون بلبنان مو بس واحد و التطورات يلي عم بتصير كتيييييييير خطيرة ....

[ABO ZOZO]

ايلي انا برايي تفرح لانو رجع لانو باللبنان صفي هو الزلمة الوحيد اللي عند كلمتو لان الكل يوم هيك ويوم هيك اما هو ما بدو سوريا تكون بقلب اللبنان بس بدو علاقات حلوة مع سوريا وبدك تعرف انو اللبنان عايش طول عمرو عالطائفية ولولا رجعتو كانت القوة المسيحية مدفونة تحت رحمة الحريري وجنبلاط ومعد في زعامة مسيحية متل باقي الطوائف بس هو رجع الزعامة المسيحية للبنان وخليه يصارع هل الكلاب السعرانة اللي بتبوس الايد وبعدين بتعضابدون تحديد

[Jack]

شو مسيحي ورحمة الحريري وجنبلاط
شو هالمسخرة
ما هو مشكلتنا بهالموضوع
لازم ننسى الطائفية ننسى هاد شو طائفتو وهداك شو ملّتو

[Jack]

والطامة التانية أجت عالطريق كمان
سمير جعجع طلعوه من السجن

يا سلااااااااااااااااااام

ما ناقص غير يرجعوا أنطوان لحد وميليشتو

[ايلي]

رح أزعل منك يا أبو الزوز شو مسيحي ومسلم هادا الحكي رح يخلينا ورا كل الأمم


المهم المحبة ثم المحبة
ثانياً المسيحية بحياتها ما كانت صاحبة زعامات أرضية ودنيوية
المهم المحبة ومنصير كلياتنا ولاد دين واحد هو الإنسانية



شوف هالشعار الحلو اللي بيجمع بين الصليب والهلال بإرادة وحدة
هي الأرض


http://www.crwflags.com/fotw/images/l/lb}ssnp.gif

[gozef]

يا شباب اول شي مرحبا

نحن ليش مهتمين لرجعة عون كل هالقد
اللي طلع الحمار على المادنة بينزلو واللي نزلو بيرجع بيطالعو

[ABO ZOZO]

جاك لازم تنسا الطائفية ببلد متل بلدنا بس متل اللبنان لا لان هو لبلد الوحيد المسيحي والسعودية هيي اللي عم تدعم الحرير بشكل كتير كبير لايقاف الزعامة المسيحية وجعلها لعبة بايد الحريري وامثالو بعدين هو الوحيد اللي اقد حكيو لان بعد الانسحاب السوري هو الوحيد اللي قال هون خلصت مشكلتنا مع سوريا وما لازم نلزق كلشي بضهر السوريين بدون اي مسبة او شتيمة وبحكي كتير منطقي

[bahhar]

يا خي ابو الزوز الغالي ......
ما تفهم الامور هيك ...مشكلة لبنان الاساسية هي الطائفية الموجودة فيا وهي مشكلة كبيرة ما هي صغيرة ابدا ...نحن عم نحكي انو لازم ما نحكي بالشغلة هي ...يعني شو زعامة مسيحية وزعامة مسلمة زعامة درزية ..؟؟؟!!
لاء الاصح نحكي انو في زعامة عونية ...زعامة حريرية ....زعامة جنبلاطية ...( اذا بدك ) رح اتقلي نفس الشي بغير تسمية .. اوكي انا معك بس احسن من التسميات الدينية ..
خلص بقا ... خلصنا .. لازم ننسى الطائفية وننسى انو نحكي هي دينو هيك وهداك دينو هيك ...
شغلة لازم نخلص منا :smokie:
كل الشكر لكم جميعا

[mrsa]

المشكلة اكبر من هيك بكتير و بتتعلق بصميم الطائفية الموجودة في اللبنان بس
الله يجيب الخير
لا تعليق اكثر من ذالك (لاني بخاف)
:flash:

[Yacoub]

إن رجعت عون كلها مدبرة من أغتيال الحريري وأنت رايح والجديد قادم...........

[Jack]

جاك لازم تنسا الطائفية ببلد متل بلدنا بس متل اللبنان لا لان هو لبلد الوحيد المسيحي والسعودية هيي اللي عم تدعم الحرير بشكل كتير كبير لايقاف الزعامة المسيحية وجعلها لعبة بايد الحريري وامثالو بعدين هو الوحيد اللي اقد حكيو لان بعد الانسحاب السوري هو الوحيد اللي قال هون خلصت مشكلتنا مع سوريا وما لازم نلزق كلشي بضهر السوريين بدون اي مسبة او شتيمة وبحكي كتير منطقي
هه ولك وين عايش ولك أبو الزوز
الطائفية عنا قد لبنان وأكتر بس الشعب السوري نصفوا أوعى من الشعب اللبناني ونصفو التاني ما بيعرف البيضة من الجاجة... بس عنا الحكومة فهمان هالشي ومسيطرة عالوضع لحد هلّق بس إيمتى يمكن ينفجر الله يستر ما ينفجر... :bawling: :bawling: :bawling: