الحب

[ABEER]

انا بعتبر الحب شغلة كتير كبيرة اذا الواحد قدر يشوف الشخص المناسب اللي بيفهم علي واللي بيتفاهم معو
وبظن انو اي واحد بيناتنا اذا شاف الشخص اللي في هل المواصفات لازم ما يتخلى عنو ابدا لانو من الصعب انو يرجع يشوف غيرو
بس بدي اسالكون
اذا اي واحد فيكون شاف الشخص اللي كان بيحلم في طول عمرو واللي بيتفاهم معو واللي ما بيكون مبسوط غير بوجودو هاد الشخص اللي كل واحد بيناتنا بيكون جواتو بس ما بيطلع غير وقت بينطبق هل الشي اللي جواتنا عل الشخص اللي بنلاقي يمكن نحنا ما نحس بوجودو داخلنا بس هو موجود
اذا التقيتو بهل الشخص بس كان الوصول الو كتير كتير صعب لاسباب اكبر منك ومنو شو بتعملو بتمنى انو تعطوني رايكون ؟؟؟؟!!!!!!

[الياس جرتتيان]

يا انسه عبير اذا كان الشخص من المستحيل ان يوصل للشخص الي بداخله او حاول وفشل بنصحوا يحاول مع غيرو مو عيب بعرف بعض الاشخاص حاولو مع بنت ما مشي حالها حاولوا مع اختها مو عيب في هيك احوال( هذا مثال مو ضروري يكون واقع بس معنى الكلام) اذا كنتي انتي المقصود ة بالمقال ابحثي عن شخص ثاني ممكن تلاقي فيه صفات احلا واجمل وانبل او ابحثي عن السبب الحقيقي للبعد عن الشريك وحاولي تفهمي ليش من المستحيل الوصول اليه بس بحياتك لا تحاولي تفكري بالنسيان مشان ما يصير النسيان هم من همومك

واسالي من كان بها خبيرا

[ABEER]

شكرا يا سيد الياس على اهتمامك

ممكن رايك في شي من الصح
بس مشاعر الانسان ما بتتبدل بهل البساطة وبهل السهولة خاصة اذا كان الشخص اللي بتحبو في كل شي انت بدك ياه وبتتمناه

[bahhar]

سوال يطرح نفسه هل من السهل على شخص يحب شخص اخر ويرى فيه كل ما يتمناه من صفات واحاسيس جميلة يحبها ويريدها ويشعر بالراحة لوجوده قرب هذا الشخص ولكن لا استجابة من الطرف الاخر ..... اكيد شيء صعب جدا على الانسان ... بس ما لازم الشخص يستسلم وما لازم يوقف عند هيك شخص ما انتبه للشخص الاخر يمكن في اشياء الاشياء الموجودة عندي انا ما بتعجبو او مانو منتبه الي .. الف شغلة لذلك متل ما قال الاخ الياس لازم الواحد يدور على الافضل والاسمى ........... وكان الله معنا نحن المشردون في الحب لا حبيبة ولا صديقة نخاف وتخاف علينا :pimp:

[mrsa]

الانسة الفاضلة عبير

اولا -الحب شيئ مقدس يصعب على الانسان الوصل اليه ولكنه ليس بمستحيل
ثانيا -اذا واحد شاف الشخص اللي بيتمنا يكون معو من الاكيد ما رح يتخلا عنو
بس مو صعب يشوف غيرو
ثالثا-انت دخلتي بمعادلة صعبة و كلياتا افتراضات مبنية على اذا
اذا الشخص هاد اللي موجود جواتنا بدنا نقارن في كل شخص منتعرف عليه او منشوفوا بحياتنا
رح نعيش حياتنا كلياتا مقارنات مع الشخص اللي منحلم بوجوده معنا
واذا لاقينا هاد الشخص بتكون نحلت المعادلة معنا
رابعا-اذا التقينا بالشخص اللي كنا نحلم فيه بس كان الوصول الو كتير صعب
معناتا في عنا خلل في المعادلة من الاول لهسبب منرجع منعيد حساباتنا
و منبلش من اول خطوة ورح نوصل اكيد لحل لانو مافي شي ما الو حل
و الاسباب الي اكبر منك ومنو ممكن هية تكون الغلط او ممكن تكون
اسباب واقعية و لنرجع نحل هيك معادلة لازم نجرد حالنا من المشاعر(العاطفة)
و نحكم بالعقل او نعتبر الشخص مالو وجود و هو مو اكتر من افتراض
لانو متل ما كنا عايشين قبل ظهور الشخص منحسن نعيش بعد و
لانو حياتنا ما بتوقف عند شخص عزيز او حبيب فقدنا
و اخيرا
انا برائي الشخصي الانسان اللي بدور على النجاح بحياتو بيتعلم من لحظات الفشل
اللي مرق فيا و ينسى اللي راح و يبلش من جديد
و مو كلشي منتمنا بصير


الموضوع كتير مهم و بتمنا من كل الاعضاء يشاكرو بردود

[ABEER]

عزيزي مرسى
اولا: الحب شيء مقدس انا معك بهل الشي ومن المستحيل انو الواحد يقدر يشوفو بهل الزمن لانو انعدم تقريبا بس اذا شافو لازم يكون كتير مبسوط حتى لو ما كان لهل الحب نهاية بيكفي الاحساس الحلو اللي رح يحسو لانو من الصعب دايما نقدر نحس هل الاحساس
ثانيا : بالعكس صعب كتير انك تحب شخص وما تقدر توصلو تقوم تدور عا غير شخص لانو صفى هاد مو حب لانو برايي الحب الحقيقي بيجي مرة وحدة بس لانو كل شخص رح تقابلو بعدين رح تقارنو مع الشخص اللي حبيتو والمقارنة اكيد محسومة لطرف الشخص اللي بتحبو
ثالثا : المعادلة مانا صعبة بالعكس سهلة كتير لانو هل الشخص اللي موجود جواتنا نحنا ما بنكون حاسين بوجودو بس لحالو بيطلع وقت بنشوفو عل الواقع يعني مو انا بكون حاطة شغلات ببالي ورح اجي قارنا بكل شخص بشوفو مو هيك قصدي
رابعا : اكيد مافي خلل بالمعادلة متل ما انت سميتا وممكن تكون في كتير شغلات ما الها حل وبتكون اكبر منك ومنو وانا معك انو الواحد ما يوقف حياتو بس ما يكملا عا اساس غلط يعني يعد يدور على شخص تاني فيو نفس الصفات بس مافي مشكلة بارتباطون هاد اكبر غلط انا قلتلك وبرجع بقلك بيكفي الاحساس الحلو اللي الواحد رح يحسو واللي مو دايما بيقدر يحسو
وشغلة تانية انت عم تقول انو لازم نفكر بواقعية مع تجريد العواطف بدي قلك شغلة انو لو الطرفين ما فكرو بعقل وركدو ورا عواطفون ما بظن انو في اي مشكلة بانو يكونو سوا بس لاننون واقعيين وفكرو بعقلون يعني ما ركدو ورا عواطفون
واخر شي بقلك يا شكرا على اهتمامك وعلى رايك بس بتمنى تفهم ردي منيح
شكرا

[ABEER]

شكرا الك على اهتمامك

بس ممكن التنين بيكونو بحبو بعض بس مو قادريين يوصلو لبعض مو اساس هل الشي انت صفيت عم تحكي عن الحب من طرف واحد وما تتخيل بحياتك انو ممكن شخص يحب شخص تاني بدون ما يكون حاسس باحساسو ناحيتو بالمقابل حتى لو كان مجرد احساس
والله يبعتلك البنت اللي تفهمك وتحبك وطول بالك ليش مستعجل لحقان عل اهم
:smile:

[الياس جرتتيان]

مافي داعي لكل هذا الكلام اكتشفت ان غايتك تعجيزيه ومافي سبب. يا اما اذا كانوا اخوة بالرضاعه

[ABEER]

عزيزي الياس
انا اكيد غايتي مو تعجيزية في كتير شغلات بالدنيا بتكون اكبر مننا
شكرا على تعليقك عل الموضوع

[الياس جرتتيان]

انسه عبير من بعد السلام
الشباب بالموقع عرضوا جميع الاسباب مشان هيك عم قول ان غايتك تعجيزيه مافي غير انتي تعطينا القصه الحقيقيه مشان نعرف نحكم وشو هو السبب الحقيقي الي عارض هذه القصه
لان مافي غيرك ممكن يوضح الموضوع وشكرا

[ABEER]

عزيزي الياس

شكرا الك كتير
بس بدي اسالك سؤال انت معي انو في احيانا شغلات اكبر منك ومني بتمنعك انو ترتبط بالشخص اللي بتحبو وفكر بسؤالي منيح
شكرا الك

[bahhar]

عاطين الشغلة اكبر من حقا ........ ليش انتو هيك عاملينا فلسفة ومدري شو وقصة كبيرة .... هي قصة كبيرة ..ما اختلفنا بس كمان ولا اصغر منا ... بتشوف وحدة اول مرة بحياتك بتشوفا او بتكون معا ما بتعرف شو صابك شو صار معك لما شفتا .... بتحس انو الدنيا ما عم توسعك من الفرحة وبتقعد اتفكر فيا كل الوقت وبتصير ادور وتخلق اعزار والف قصة وحكاية منشان اتشوفا ... ليش برايكن؟؟؟؟؟ شو هاد برأيكن انتو ؟؟؟؟؟ ما هو الحب ؟؟؟؟ جواب واحد وبسيط هو الحب .. نبض القلب .... خلق الحياة الجديدة من بعد الموت ..... الفرح من بعد الحزن ....... الامل من بعد اليأس ......واشياء ..واشياء .....واشياء

ــــــــــــــــــــــــــــــــــــــــــــــــــ ــــ