شو رأيك بزواج الخطيفة

[الياس جرتتيان]

الكل يسمع كلمة ناوي عليكي خطيفة لو مهما يصير
استوقفني هذا الموضوع بالاخص عندما سمعت ان بنت عمي تزوجت خطيفة يوم السبت الفائت وسررت عندما سمعت انها بحال جيد وانها لم ولن نتدم على هذه الخطوة
لكن من ناحية اخرى سمعت ان عمي وزوجته بحال لا يحسدوا عليها
الان اود ان اطرح سؤال واتمنى من الجميع المشاركة
1 - هل تقبل ان تتزوج خطيفة لسبب ان اهل العروس لا يقبلوا فيك
2 هل تقبل ان تتزوج من تحب بسبب ان اهلك لا يقبلون بها زوجة لك
3- هل تقبل ان تتزوج خطيفة بغض النظر عن الاسباب دون وجود اهلك واقربائك واهل عروسك واقربائها
4- ان كان ولا بد ان ترتبط هل تلجئ الى الخطيفة
ارجو المشاركة من الجميع لكم مني كل الحب

[bahhar]

هلاالزواج خطيفة حلو والو لذة غريبة ...انا بالطبع بحكي هيك مو معو ...اما اذا صار وما لاقى الواحد طريقة غير هيك ليش لاء ....واكيد لما بحب حدا انا ما رح انطر على اهلا او اهلي لانو مو هني يلي بدن يتجوزوبالطبع انا يلي رح اتجوز ...وحكي هاد ما بيعني انو ما بحب يوافقو اهلي واهلا ...بالاخير كل ما كان الذواج مريح مالكل موافق بيكون الو لذة ....اما الخطيفة والله الو لذة غير شكل .
شكرا الياس على موضوعك .

[جوليانا]

شو ألوس وكأنو البنت مالها علاقة بالموضوع

بالنسبة لرأيي بالموضوع
انا برفض الفكرة نهائيا ومابحاول فكر فيا لأنو من الأساس ماني مقتنعة فيا
لأنو مامعقول أكسر خاطر أهلي مشان انا كون مبسوطة واحرم حالي من الفرحة يلي كل
وحده بتحلم فيا :embarrass
ومهما كانت الظروف أقوى من الشخص ألا بالنهاية مايتوصلو لقرار أو لاقناع الأهل
وهاد الشي بيعود للأهل ومدى تفهمون لأنو بالنهاية
مهما زعلو بدون يتراضو لأنو هيه بنتون وهوه ابنون
فمن الأول يرضو أحسن للكل:evil_smil

[The blue]

طبعا كل واحد الو راي.... الله لا يجربنا ,وطالما واحد عم يحكي ع المرتاح فينو يتحكم بكلماتو متل ما بدو ,ويمكن متل ما بقولو يلي ايدو بالمي مو متل يلي ايدو بالنار .......
لما الواحد أو الوحدة (مشان ما همش حدا ) بحس أنو عن جد تسكر باب النقاش مع أهلو وحياتو ومستقبلو ع المحك ولابد من لحظة الإختيار بين أهلو وبين الشريك.. برئيكون الإختيار مانو صعب؟؟؟؟؟؟؟؟؟؟
ومع هيك أنا بشوف يلي بيختاروا هالطريق بكونوا صاحبين كلمة تحولة لقضية جربوا يسمعوعا الأهلون لسبب ما فشلوا فقرروا انو يتحملو مسؤليات مضاعفة ولحالون.... بعيد عن الأهل ..

زواج الخطيفة أراه الحل الوحيد بعد استنفاذ كل الطرق

[كميت]

لو كان في سورية قانون احوال شخصية متحضر لاندثرت تقاليد الخطف .فانا مع حرية الاختيار لكلا الطرفين ولا داعي للبهدلة اذا كانت الخطيفة حالة مشينة للعائلة .شوفو العالم وين صار .حرام عليكم

[Yacoub]

والله الحب ما بيعرف خطيفة مدني على التجلي
المهم تفاهم الشخصين وان تكون العلاقة بينهم علاقة مقدسة وحقيقية

[عليا]

شو يا الياس البنات مافي الهن راي لازم تضيف اذا بتوافق الفتاه على هذا الزواج او لاء
على كلا نحن البنات بنحب نعطي رأينا وانا رأي من راي جوليانا وايضا ياهل ترى في انسان بستاهل الوحده تضحي باهلها منشانو وانا بعرف كتير ناس تزوجوا على الطريقه بس الشب مابقدر هالشي وبعتبروا غلط اللي عملتو حبيبتو بس مابحب انكر اني احيانا بحب اسمع عنو بحس كتير رومانسي وتضحيه وقهر للعادات والتقاليد وانتصار للحب الحقيقي اذا موجود فعلا :battered:

[Hanan]

أحياناً يتشبّث بعض الآباء برأيهم الرافض لهذا الزواج .. ربما عن علم مسبق او نظرة واعية بأن هذا الزواج لن ينجح ... أو لمجرد رفض هذا الشاب أو تلك الفتاة أو لحسابات أخرى كالعائلة والنسب والمستوى الاجتماعي .. الخ

عندما يكون القرار بهذا الموضوع قرار واعي وناضج وكان حل أخير لعدم التفهّم من قبل الأهل وليكن ..

ولكن هنا تكون مسؤولية هذا القرار على من اتخذه أكبر ... وعليهما تحمل النتائج مهما كانت

دائماً هناك طريقة لإقناع الأهل بوجهة نظرنا .. فلا تغفلوا عنها

[صياد الطيور]

أنا ما بشوف أنو الموضوع كارثة ... بس مجتمعنا بيعملها كارثة ....
يعني ... أنا والبنت متفقين ... ما في قوة بالأرض ممكن تمنعني من الأرتباط فيها .....

أنا بوافق على الفكرة وممكن أـعملها .... بس لازم تكون البنت معي لأخر نفس...

[EMAD]

في أرقى بلاد العالم تمدنا هناك عادات وتقاليد في الزواج تطبق حتى يومنا هذا بغض النظر عن نسبتها المئوية.. وكذلك في سورية توجد لدينا عادات وتقاليد في الزواج وماخالف ذلك يعتبر شاذا والشذوذ عن الشيئ هو الخطأ ... في سورية يتم الزواج الديني أولا وبموجبه يتم التسجيل في الدوائر الحكومية اي الزواج المدني أما في الدول الغربية واميركا الجنوبية والشمالية فيتم الزواج المدني أولا ثم الزواج الديني أو يبقون على الزواج المدني فقط أو لايتزوجون لامدنيا ولادينيا ويعيشون في بيت واحد كزوجين بدون ثبوتيات ومن دون قيود من قبل الوالدين .... قد تقولون بأنني خرجت عن موضوع المشاركة... ولكنني
أنا ضمن الموضوع ولم أخرج عنه ... لأعلمكم بأن في الدول الغربية والأمريكيتين لايوجد زواج خطيفة
اذا هذا النوع أو الطريقة ( الخطيفة ) فقط موجودة في بلادنا ... وأنا برأي الشخصي طبعا وبعد مشاهدة عينات كثيرة من هذا النوع ضد فكرة زواج الخطيفة لأنه زواج فاشل بنسبة مئويةكبيرة وقد ينتهي بالطلاق في أغلب الأحيان.. لأنه زواج مبني على العاطفة فقط ( أنا أقدس الحب ) دون اشراك العقل أو في أحيان كثيرة يتم للأخذ بالثأر من موضوع اجتماعي ما ضد خال أو عم أو أخ للعروس أو يتم ليثبت العريس عن رجولته
.. او كما سمعت قد يتم بموافقة أهل العريسين لعدم دفع التكاليف العالية لمراسم الزواج ..
وفي النهاية يتم هذا الزواج في المجتمع والعائلةالمتخلفة والتي تفتقد الى رابط يجمع الأهل مع الأبناءأو بالعكس من محبة وتفهم وحوار لتعزيز الثقة في النفوس في جميع المجالات ......

[basel]

موافق ومشجع بالأخص مع اختلاف الديم والمذهب يعني مسيحي مسلمة وبالعكس وضمن المذاهب الاسلامية


بارك الله بكل زوج خطيفة مع اعتراضي على كلمة خطيفة لأنها مهينة للمراة

[hetler]

بعد التحية للجميع..

كلكن بتعرفوا العرق الشركسي .. عند الشراكس الخطيفة مألوفة و هي على الشكل التاي:

بيخطف الشب الصبية بمساعدة اهلو و رضاهن لمى يكونوا اهلها رافضينو رفض تام..

و بيخبيها بالبيت مع اهلو و بروحوا اهلو الكبار عمرا و مكانة مشان ياخدوا رضا اهل الصبية المؤكد بعد الخطيفة..


شو رايكن ؟

1-الشب بيخطف بعلم اهلو و مساعدتن..
2-بيترك الصبية عن اهلو بالبيت..
3-بروحوا اهلو وجاهة مشان ياخدوا الرضا التام من اهل الصبية..

في فرق بين هالخطيفة و بين الخطيفة الي عبنسمعا هالايام صح ؟؟
الخطيفة تبع ايامنا هي بتكون الصبية ملامة فيها 100% ولا يتحمل احد غيرها مسؤولية ما بعد الهروب من المنزل..

الي بدي قولو انو انا مع هيك خطيفة بتنتهي بزواج راضي عنه الجميع وانا ضد الخطيفة الي ما بتنتهي غالبا الا بفراق الزوجين و غضب الاهل الى يوم الدين و لا حول ولا قوة الا بالله..

تحياتي لك الياس الغالي ..

[ثريا]

اول شي بدي اشكرك خي الياس على الموضوع

لانه فعلا يستحق النقاش


انا بحكي انه كل بنت تتمنى انها تتزوج بموافقة اهلها
ويكون الها عرس والكل يفرح فيها

بس لو البنت حبت شب واهلها مو موافقين ومافي اي حل لهذا الموضوع
شو رح يصير اكيد رح تقرر انها تتزوج بطريقة الخطيفة


بس هيك رح يكونوا الاهل زعلانين ومارح يرضوا على الزواج يمكن تمر فترة معينة ويرضوا
وفي اهل ما بيرضوا ابدا
وانا احكيلكم وشفت عوائل قتلوا البنت والشب بعد زواجهم

لانهم تزوجوا من غير رضى اهلها

واكيد هذا بيرجع لطبيعة الناس وتقاليدهم


بس رغم هيك انا بسال الشباب
لو تزوجت بطريقة الخطيفة
رح تظل تحب البنت مثل ماحبيتها اول مرة
ولا بعد مرور فترة من الزمن على زواجكم رح يروح الحب وبتصير المشاكل

كمان اسال الشب انه البنت الي توافق تتزوجه بهيك طريقة
مارح يجي يوم بيصير ما بيحترمها لانها وافقت على هيك زواج

وانا شفت هالشي وانه راح الحب وظل الشب كل يوم يحكي للبنت انا مالي ذنب انتي الي وافقتي على هيك طريقة

عموما انا مو مع هيك زواج
حتى لو ماكان في حل

[الياس جرتتيان]

اشكر مروركم احبتي الغرض من طرح الموضوع كما اشرت نابع عن تجربة شخصية

والمشكلة مازالت قائمة الاهل غاضبين والبنت تحن لاهلها وهي والزوج في صراع
لماذا نضع انفسنا في مواقف كهذه
بالنسبة لي زواج الخطيفة مرفوض بكل الاحوال في الوقت الحالي
لكن احيانا نقول في انفسنا الله لا يجرب انسان شو الحل اذا كان في خلل من اهل احد الاطراف .؟؟؟؟؟؟؟
الله لا يجربنا بس هيك بقول
لكم مني كل الحب

[Mom's Girl]

بالنسبة الي انا ما بحس هاد الشي مصيبة او شي عيب انو يصير..اذا اتنين بحبو بعض وبدن بعض ومتفقين بكل شي بس في معارضة من طرف اهل واحد منهن خلي يروحو خطيفة مافيها شي..خدو اكبر مثل هي انا هون اذا اهلي ماوافقو على زواجي من حبيبي ,متفقين انا وهوي من هلا انو نروح خطيفة ..:smile:

[الياس جرتتيان]

Mom's Girl
اشكر مرورك وصراحتك ورؤيتك لهذا الموضوع من وجهة نظرك
لكن عزيزتي ان احببت النصيحة احب ان انصحك وان لا فهذه حياتك
عززتي احسبي حساب قبل الزواج وبعده واحسبي حساب المرارة التي سوف تذيقيها لاهلك بزواجك بحكم انت بنت
احسبي حساب نظرة المجتمع لك ولاهلك في هذه الحالة
ان كان ولا بد عليك ان تقنعي اهلك وان لم تستطيعي فان حجتك واهية
وان كان اهله هم السبب في هذا الزواج ولم يستطع اقناعهم بك فهو شخص لا يناسبك
اشكر مرورك لك مني كل الحب

[vartan]

قبل كل شي بحب اشكر الياس على فتحه لهذا الموضوع الشائك المرفوض من قبل الجميع وأقصد بها جميع المتحضرين لأن هذا ما كان يحصل في عصر الجاهلية والظلمات أما اليوم ونحن نعيش عصرا يتهمه الكثيرين بالحرية وبالانفتاح فإن هكذا موضوع يكون التفكير به من الاصل خطأ كبير لأننا اليوم نحن قادرين أن نقنع اهلنا بما نريد ونستطيع أن نصل الى ما هو سليم من خلال الحوار البناء والمقنع بعض الاهل قد يتصلب برأيه ولكن هذا لا يعني بأنهم على خطأ لأنهم هم مدركين أكثر من هذا الشاب أو الفتاة التي لم تتعلم من حياتها وتجاربها سوى اليسير اليسيروطبعاً الحديث للشاب ايضاً البعض يعتقد بأن عقول أهلهم متحجرة أما انا أرى بها نظرة مستقبلية للأمور يراها الاهل دون ان يراها الابناء فبالخطيفة تفقد الفتاة والشاب رضى اهلهم اولاً وثانيا ستبقى تلك غصة لهم ولأهلهم لسنوات طويلة حتى لو سامحهم اهلهم او حاولوا اظهار رضاهم لكن هناك غصة لن تزول في حياتها وإذا قرأنا في الانجيل نرى كيف حتى الرب لم يسامح ادم على غلطته في نفس اللحظة بل بالعكس ورث وورث الذين اتوا بعده العقوبة وهي الموت .
في الختام وارجو ان لا اكون قد اطلت أطلب من كل شاب او فتاة وأرجوهم ان يفكروا أكثر من مليون مرة قبل ان يخطوا في هذا الطريق لأن رضا الأهل من رضا الله وشكراً.

[Mom's Girl]

Mom's Girl
اشكر مرورك وصراحتك ورؤيتك لهذا الموضوع من وجهة نظرك
لكن عزيزتي ان احببت النصيحة احب ان انصحك وان لا فهذه حياتك
عززتي احسبي حساب قبل الزواج وبعده واحسبي حساب المرارة التي سوف تذيقيها لاهلك بزواجك بحكم انت بنت
احسبي حساب نظرة المجتمع لك ولاهلك في هذه الحالة
ان كان ولا بد عليك ان تقنعي اهلك وان لم تستطيعي فان حجتك واهية
وان كان اهله هم السبب في هذا الزواج ولم يستطع اقناعهم بك فهو شخص لا يناسبك
اشكر مرورك لك مني كل الحب
انو وين الغلط يعني بالنسبة لاهلي رح يزعلو شوي وبعدين بينسو وبيرضوا .بعدين شغلة مهمة نحنا الهريبة عنا بالعيلة عادية يغزي العين نص العيلة رايحين هريبة وهلا كلن بيحكوا مع بعض..يعني ما حدى رح يهتم وانا عندي استعداد انسى العالم والي في كرمال الي بحبو لانو ماحدى رح يدوملي غيرو هوي لا اهلي ولا العالم وهي نقطة اساسية بنظري..وشكرا لنصيحتك..

[EMAD]

Mom's Girl تحياتي لك وأحييك على هذا العنفوان والروح الهجومية وحب التمرد على الواقع فمن سياق كلامك وعلى ماأعتقد وباندفاعك هذا بأنك صغيرة السن ...... فالأمور لاتناقش هكذا بهذا الاسلوب المشحون بطاقة شبابية فائضة ... ويجب ان نسأل أنفسنا ماهو سبب أو أسباب عدم موافقة أهل العريس أو العروس على هذا الزواج ؟؟؟ فاذا كانت هذه الأسباب وجيهة ومقنعة فيجب عليك الأخذ بها ؟؟؟ وان لم تكن بنظرك وجيهة ومقنعة فيجب عليك استشارة من تثقين بهم ويريدون لك الخيروالحياة السعيدة قد يكون عم أو خال أو صديق أو الخ وتعودين الى رأيك وحينها تقررين ماستفعلين
فكما قلتي :وانا عندي استعداد انسى العالم والي في كرمال الي بحبو لانو ماحدى رح يدوملي غيرو هوي لا اهلي ولا العالم
فهذا شيئ عظيم اذا كان هذا الحب متبادل وكان صادقا من الطرفين ؟؟؟
ولكن ان لم يكن هذا الحب صادقا فهذه هي المأساة الحقيقية .....
فالحب الأول ياصديقتي والذي يدعونه بالعذري له مكان كبير في حياة الأنسان ومؤثرلأنه حب روحي لايهتم كثيرا بالجسد ويلغي للعقل أعماله ووظائفه ...
وسأدعك مع حبيبك في جزيرة نائية لوحدكم وذلك لمساعدتك على نسيان العالم ونسيان أهلك كرمالو... وسأعطيكي فرصة ستة أشهرلأنتشالك من تلك الجزيرة ؟؟ فأنا على تمام الثقة وبانقضاء الشهرالأول ستحاولين وتقومين بصنع مركب لمغادرة تلك الجزيرة
النائية .. فياعزيزتي العقل أولا لأن انسان بلا عقل كسفينة بلا شراع
متمنيا لكي حياة سعيدة مع فتى أحلامك وأهلك وأصدقائك ملؤها الحب والطمأنينة والسلام ......


وهذا جزء من مشاركتي على الموضوع ..
وأنا برأي الشخصي طبعا وبعد مشاهدة عينات كثيرة من هذا النوع ضد فكرة زواج الخطيفة لأنه زواج فاشل بنسبة مئويةكبيرة وقد ينتهي بالطلاق في أغلب الأحيان.. لأنه زواج مبني على العاطفة فقط ( أنا أقدس الحب ) دون اشراك العقل .. او كما سمعت قد يتم بموافقة أهل العريسين لعدم دفع التكاليف العالية لمراسم الزواج ..
في أرقى بلاد العالم تمدنا هناك عادات وتقاليد في الزواج تطبق حتى يومنا هذا بغض النظر عن نسبتها المئوية.. وكذلك في سورية توجد لدينا عادات وتقاليد في الزواج وماخالف ذلك يعتبر شاذا والشذوذ عن الشيئ هو الخطأ ....

[الياس جرتتيان]

لانو ماحدى رح يدوملي غيرو هوي لا اهلي ولا العالم وهي نقطة اساسية بنظري..وشكرا لنصيحتك..

مين قلك هالحكي
يا ستي انا بتحداك تحدي بقعد معك ساعتين بغيرلك كل تفكيرك من هالناحية ورح تقتنعي وتحسي حالك غلط بغلط ووقت بتحبي وبأي وقت انا حاضر
انا عم قول هالحكي يمكن لان مافي شخص انت قريبة منه يكون يفهم بهالامور وتسمعي منه اكيد مو شرط يكون قريب منك قربة ممكن يكون صديق او صديقة او جار او اي شخص غير المحيط الي انت فيه لان اللهجة الي عم تحكي فيها فيها طعم من تحدي لشي غلط
هذا رايي ارجو ما كون عم ادخل بامور خاصة فيكي بس لا يصح الا الصحيح
اتمنى لك حياة هنية وما تندمي على شي بعد فوات الاوان
لك مني كل الحب

[غير مسجلmoms girl]

سلام
هناك مجتمع الشركس حيث ان من عاداتهم وتقاليدهم الخطيفة
وكيف لنا ان نتهم بان زواج الخطيفة غلط وتؤدي الى الطلاق ؟؟؟

[أبو ماهر]

الخلاصة عندي انو الخطيفة شي مهو كويس ورضا الأهل وخصوصا الأب والأم أهم شي
وبالنسبة للحب بإمكان الشخص ينسى محبوبه بس اهم شي يقوي قلبه وكلها كم يوم والواحد ينسى وبإمكانه يرتبط بشخص اخر يعيش معه حياة سعيدة برضا والديه
أنا عندي رضا أبي وأمي أهم من كل شي

[mera]

مرحبا للجميع
اولا الله لايجرب حدا ابدا انشاء الله لان كل انسان بيقدر يحكي شو مابدو بس لما واحد بكون بالمصبة مو متل اللي بيسمع عنها مثلا اذا كان واحد من بيناتكن شب او بنت معارضين فكرت الخطيفة بشكل قطعي وقعتوا بالحب والاهل عارضو اي مافي حل غير الخطيفة وهاد القرار صحيح صعب كتير وبدو تفكير كتير كتير بس وطبعا مو من اول تجربة تروحو خطيفة طبعا بدكن تحاولو مع الاهل مرة ومرتين وتلاتة كمان واذا مافي نتيجة طبعا الخطيفة هي الحل الوحيد والاهل بعد فترة اكيد بدن يحنو ويشتاقو متل ما الاولاد بيشتاقوا لاهلن اكيد الاهل بيشتاقة لاولادن مو صح
شكرا

[sky_angel]

:love:
مرحبا بدي احكي عن زواج الخطيفة
طبعا في كتير مجتمعات هاي بتكون عادة عندهم زي الشركس
هي عادة كتيرحلوة وما بنقدر نحكي انها مش كويسة وخاصةانهامش كويسة للبنت زي انو البعض هيك بحكو
انا راح احكي شوهو زواج الخطيفة عند الشركس
مثلا
انا بحب واحد وهو بحبني بروح معا خطيفة وطبعا هو ما بشوفني الا وقت العرس
بروحو اهله عند اهلي وبطلبوني منهم طبعا انا بكون عند حدا من قرايبه وبعد ثلاث ايام بكون تم كل شي
يعني العرس
وللي بحكي انها بتأدي للطلاق بسرعة بحب احكيلو انه غلطان 100%

[ftat_alshtaa_2007@hotmail]

زواج الخطيفه انا صحيح برفضه بس احيانا بيكون الاهل هم السبب لانهم برفضوا الشاب او الفتاه الي هي اخترته وبصير معارضة من قبل الاهل بعددة اسباب منها عنده اخت كبيره او امه ما بدها ياها لانها مش من مستواها

[Jet-Stream]

لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالا
مش ممكن لسة في حدى بيفكر بهيدي الطريقة للزواج
الافضل الزواج بالعقل
كيف؟ ؟ ؟
هنا تكمن المصيبة!!!!!!!!!!
إذا لم يوافق الاهل لكلى الحبيبين , أو احدهما فذلك سوف يكون مشكلت لوفكرنا بابعادها بعد الزواج لرأينا انها مشكلت ومشكلت ومشكلت وهي ايضا بلا حلّ
لكن ما هو الجواب على السؤال كيف لنا ان نقنع والدينا على الزواج ممن لايرضون ؟؟؟
الحل بين ايدينا
ونصب ايعننا
ولكن من المفترض ان نفكر قليلاً
بتمنى ان تفكروا (قليلاً)

[سالم كربو يونس]

زواج الخطيفة عنا بالشرق أمر غريب و يعتبرونه اهانة للأهل الذين لم يوافقوا على أحد العروسين
ولكنه بطبيعة الحال فهو قانوني و مقبول اذا كان الطرفين راضين في بعضهم
اني شخصيا ما بشجع الزواج الخطيفة ولكن اذا كان أحد الاهالي معند فألف مبروك للعروسين صحيح مش طريقة لابقة ولكن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟