ماذا تفعل لو طلبتك امرأه للزواج؟؟

[ABO ZOZO]

ماذا تفعل لو طلبتك امرأه للزواج؟؟


جرت العاده على ان يعجب الشاب بفتاة ويتقدم لخطبتها

او يعجب اهل الشاب بفتاه فيخطبونها لأبنهم

وخاصة لو كان في مجتمع مثل مجتمعنا...

ولكن000


ماذا لو اعجبت الفتاه بشاب اما لشخصه

او لخلقه ..او غيرها من الصفات التي تجعلها تتمناه زوجاً لها

فالحب والكره من الصفات التي لم يختص الله بها جنس معين كما نعلم

ماذا لو علمت بأن بنت عمك او خالك او احدى اقرباءك او معارفك

تتمناك زوجاً؟

هل ستصغر في عينك كونها قد احبتك ؟

ماذا لو ان هذه الفتاة ارادت لفت نظرك لها بأي وسيله

سواء بالتلميح لاحدى اخواتك او حتى ارسلت لك رساله وقالت

لك انا معجبة بك بسبب اخلاقك

واريد الارتباط بك بصراحه ماذا سيكون موقفك؟؟

وكيف كنت تتمنى الطريقه التي تشعرك برغبتها بالارتباط بك ؟

هل ستفكر في الموضوع وتنظر في اخلاقها ؟؟

ام سترفض فقط لكون المبدأ فتاة تقدمت لخطبة شاب؟

الرجاء اعطاء وجهات النظر

[mrsa]

انا برائي الشخصي متل مو الشب الو حريت الاختيار و التفكير
و انو يعجب بفتاة معينة و يحبا او يفكر يحكي معا
من حق الفتاة انو هية كمان اذا حبت شخص معين او اعجبت فيه انو تصارحو بمشاعرا
بس المجتمع المتخلف و المتقوقع على حالو اللي عايشين فيه بيعتبر البنت
الصريحة و الجريئة بنت فلتانة او بنت رخيصة
اما اذا انا تعرضة لهيك موقف رح احترم مشاعر البنت كتير و احترم شجاعتا و صراحتا

[ABEER]

عزيزي ابو الزوز

والله موضوعك حلو كتير
رح اعطيك رايي الشخصي هلا انا ما بعتبر انو البنت لما بدا تعبر عن شي بدا يا او شخص معجبة في شي غلط لانو انا متعودة دايما اللي بحس في بدي احكي وما بتهمني النتيجة
بس في نقطة مو كل شب بينقلو هيك حكي اول الشي لازم تكون عن جد بتعرف الشخص منيح وحتى لو كنت غلطان باختيارك مجرد ما حكيت هل الحكي هاد اكبر اختبار لطريقة تفكيرو فاذا احترمني وقدر الشي اللي عم كنلو يا بكون عن جد ماني غلطانة واذا لا كمان ما بكون غلطانة ولا خسرت شي بالعكس ربحت اني اكتشفت شغلة كتير مهمة بطريقة تفكيرو
اما بالنسبة لمجتمعنا متل ما قالك العزيز مرسى بيعتبروا بنت فلتانة وبتشوف الحكي اللي بيبلش انو ولي عليها شو وقحة وجريئة
وشكرا الك مرة تانية على هل اللفتة الحلوة

[bahhar]

اذا صار معي هيك انا ..... رح قلا انو انا كمان معجب فيا لانو ما خجلت تحكي يلي بقلبا ... متلي انا ما بخجل من يلي بقلبي .... وما لازم يا اصدقائي اتقولو دائما انو المجتمع سيء ومدري شو ..... بتعرفو ليش ؟؟؟؟ لانو نحن المجتمع .... نحن يلي منحط العادات والتقاليد ونحن يلي منغيرا ..لانو نحن جيل الشباب يلي بغير ... وكل تغير ببلش منا ..وكل واحد لازم يبلش من حالو ..:pimp:

[ABO ZOZO]

حبايبي مرسى وعبير وبحار شكرا عالردود الحلوة وانا رح قلكون رايي انا اذا صارت هيك قصة اول شي رح كون صريح مع البنت متل ما هيي صريحة واحكيلا اذا في حدا بحياتي بدون ما تزعل واذا ما في ما عندي مانع انو شوفا للبنت اكتر من مرة واذا كنا متفاهمين ما عندي مانع انو تكون المباردرة منا او مني لان انا بعتبر انو هيك بنت قد حالا وادرت توصل لشي فوق الطبيعي بمجتمعنا وتعملو وتتخلص من القيوداللي مقيدين فيا من تقاليدنا وهي قوة شخصية وانا عندي هي المواصفة كتير مهمة بالبنت واذا ما تفهمنا اكيد مارح تكون زعلانة على كل الحالات ورح تعرف انو انا ما رفضت هل الشي لان هيي اللي طلبتني بالعكس ر ح تعرف انو هيي كبرت بعيني بس لان في شي من الظروفاللي منعت انونكون لبعض

[bahhar]

في سوال بحب اسالو للبنات خصوصي تكملة لموضوعك خي ابو الزوز ..
يا ترى انت البنت مستعدة اتصارحي شب انت معجبة فيه ويمكن اتكوني بتحبيه بحبك ؟؟؟؟؟
:flower2: