هل انتم مع فكرة وجود الطلاق

[الياس جرتتيان]

اتت هذه الفكره لراسي من موضوع الزواج لكن قررت ان يطرح هذا الموضوع لابداء ارائكم لانه موضوع مهم وحساس وارجو من الجميع فهم الموضوع جيدا وبدون حساسيه
الطلاق موجود في الديانه الاسلاميه وهو قد يكون الحل في بعض الاحيان في ظل حياة مستحيله مع العلم يوجد آيات بالقرآن الكريم لا تحبذ فكرة الطلاق ( ابغض الحلال عند الله الطلاق )
اما بالنسبه للمسيحيه لا يمكن ان يكون هناك طلاق الا ببعض الاستثنائات كحالات الشرف واستجد بعض الحلات وفي بعض الطوائف فكره العقم او عدم القدرة على الانجاب من طرف الرجل او الامراة
وسؤالي هو الاتي وارجو الرد عليه بكل موضوعيه
هل انتم مع فكرة الطلاق بغض النظر عن الاستثنائات يعني
اذا حدا مو متهني مع مرته او هي مو متهنيه معه واستحاله الاستمراريه هل تؤيدون فكرة الطلاق
وبهذا الموضوع استثنيت امور وايضا اضيف استثناء الهجر فهو ليس من الحلول لانه لايمكن لا للرجل ولا للمراة ان تتزوج او ان تستمر حياتها حرة او حر .
(لمجرد وجود حاله اسمها الجحيم بين الزوجين هل انتم مع ام ضد)
الله يبعد الطلاق عننا وعنكم احبتي مع حبي ودمتم
الياس جرتتيان

[ABO ZOZO]

الياس اهلا وسهلا انا ضد الطلاق باي حالة من الاحوال لان انا بتوقع انوالشخصيين اللي عايشين مع بعضون لازم تكون عندون المقدرة انو حلو المشاكل
والطلاق باكتر الاوقات عم يعمل مشكلة للمراة بشكل خاص لان الرجل قد ما كان عمرو وقد ماكانت نفسيتو وسخة رح يرجع يلاقي مين تقبل فيه بعكس المراة اللي العالم العربي بيعتبر انو الطلاق للمراة عار ولو كان السبب هو الرجال
واهم سبب انو لازم كل شخص يتحمل قراراتو اللي اتخذ فيا الشخص التاني شريك لحياتو

[mrsa]

انا ضد الفكرة من اساسا بس
و السيد المسيح ذكر (من طلق امراته لغير علة الزنا )
اي ان الامر مرفوض من الاساس هي من الناحية الدينية
ومن اناحية الاجتماعية بكل واحد بيتحمل نتيجة اختيارو
لشريك حياتو
لانو في فترة قبل الزواج اسما الخطوبة

*
*
*
*
*
8
وبعدين مسيو الياس ميكون شايفلك شي وحدة
متزوجة وحاطط عينك عليا وعم بتدورلا على حل
بلكي بتطلق و انت بتاخد بعدبن

[Jack]

الطلاق ضروري جدا جدا في بعض الحالات...
تصوروا يا مرسا و يا أبو الزوز أنو بوكرا بس تتزوجوا وتعيشولكون كام سنة تتطلع مرتك مخباية بتيابها
يا عصبية كتير يا حقيرة يا أنانية يا فلتانة يا صايعة يا يا يا...... لا قدّر الله...

شو بتعملوا؟؟؟؟؟

لازم يكون في طلاق

والمسيح صرلوا 2000 سنة يا مرسا مو قلال 2000 سنة

[جوليانا]

انا مع فكرة الطلاق
اتخيلو حالكون عايشين مع شخص مابتتتحملو وبدكون تعيشو معو وكل يوم على صريخ وقتيل لأوالأحلا بدك تجيب ولاد منو
وفترة الخطبه مابتكفي لحتى الشخص يعرف التاني في كتير عالم جواتها شي وبتفرجيك شي تاني
ومشان نظرة العالم للست لمطلقه بتعود لألها و لشخصيتها بعدين دخيلكون الواحد كام عمر بدو يعيشو
هوي هل عمر ضروري يرد على العالم

[ABEER]

الياس العزيز
انا بشكرك كتير على هل الموضوع الحلو واللي فعلا لازم نناقشو
متل ما حكيت مزبوط انو الطلاق موجود بالديانة الاسلامية وكمان وقت كتبت انو (ابغض الحلال عند الله الطلاق )
يعني هو حلال بس مكروه بس في اواقيت كتيرة وحالات كتيرة بتنعدم الحياة بين الزوجين وبتوصل اواقيت لتصير مستحيلة بين التنين مشان هيك تحلل هل الشي بس بيبقى مكروه
يعني اكيد مو الواحد بيطلق مرتو بس لانو هل الشي حلال لا هيك بيصير مو معقول لازم ينوجد سبب وسبب كبير كمان وسبب بيعدم الحياة بين التنين بعدين اذا قاري منيح عن موضوع الطلاق بالاسلام بتشوف انو بيعطي فرص كتيرة لحتى يرجعو لبعض في او يفكرو بالموضوع منيح وهاد موضوع تاني الو فروع كتيرة وما بدي اتطرقلو كتير بس حبيت وصل هل الفكرة هي
وبالنسبة للطلاق بالدين المسيحي كمان موجود ومتل ما قلت اذا كان في زنا بالموضوع وقتا بيصير طلاق بس ما بتصور انو الزنا بس هو اللي بيكون سبب بالطلاق بظن في شغلات كتيرة ممكن تكون موجودة بين التنين وبتخلي الحياة بيناتون مستحيلة ولازم يطلقو وبتصور انو في حالات طلاق كتيرة صارت وما كان السبب زنا وبس والكنيسة بتطلقون من بعض بس بعرف انو بصعوبة بيصير هل الشي بس بيصير
وفترة الخطبة انا مو مع انو التنين بيعرفو بعض منيح بفترة الخطبة لانو كل واحد فيون بيطلع احسن شي عندو بهل الفترة فمانا مقياس ابدا فترة الخطوبة في كتير شغلات بتطلع بعد الزواج
اما بالنسبة لرأيي بالموضوع انا مع الطلاق بس قبل الطلاق لازم يكون في تضحية وتفكير كتير لازم الواحد يفكر منيح وخاصة اذا كان في ولاد بالموضوع بس اذا انعدمت الحياة انا مع الطلاق مية بالمية وما بيهمني بعدين شو ممكن يصير ولا بتهمني نظرة المجتمع لانو هي حياتي انا وما بيكون عندي استعداد اني ضحي فيا لشخص ما بيستاهل
لانو ممكن هو يشوف سعادتو مع وحدة تانية غيري ويقدر يكمل حياتو بشكل افضل لانو الواحد بيعيش عمر واحد وبس
بس انا بالنسبة الي مستحيل اني ارجع اتزوج مرة تانية

انا هي وجهة نظري بالموضوع بتصفى وجهة نظر حبيت وصللكون ياها واكيد كل واحد الو رأيو الخاص

وشكرا الك الوس عل الموضوع مرة تانية

[Hanan]

تحياتي

فترة الخطوبة مهما كانت طويلة ما بتكفي لنتعرف عالشخص التاني بشكل جيد
ولما اي شخصين بيتزوجوا المفروض يكونوا واعيين لهالخطوة
لكن ...
لما بتصير الحياة بينهم مستحيلة أو فيها كتير صعوبات المفروض ينوجد حل لهالصعوبات
وبما أنو الطلاق مرّ والبقاء مرتبطين كمان مرّ ... لازم يختاروا أحلى المرّين واللي بتكون آثاره السلبية أضعف على العائلة
وفي حال وجود أطفال يجب العدّ حتى الألف قبل اتخاذ القرار لأنهم أول المتضررين

يعني الفكرة بحد ذاتها ليست من كوكب آخر ... ولكنها غير مقبولة في مجتمعنا

[bahhar]

والله يا اصدقاء لما بدي عيش مع وحدة بدا بتكرهني حياتي وعلى كل شغلة بدنا نعمل معركة فالافضل انو يكون في طلاق ولو انو ما محبب في اي ديانة او طائفة لان الحياة الزوجية اذا ما كانت مريحة الواحد بدو يعمل اشياء كتير ما بترضي الله ..ولا بترضي ايا واحد عاقل ..يمكن يصير الزلمي يتطلع على نسوان تانية غير مرتو ..ومدري شو رح يصير اذا زاغت عينو ...والمراة نفس الشي ..والرب ما بيقبل بهيك شي ...لذلك الطلاق افضل حل برائي
بس المشكلة اذا كان في اولاد هون المشكلة يا ترى الطلاق منيح هون ولا لاء ؟؟؟؟؟
هي السوال الكم يا اصدقائي
مع حبي لكم