rori
08-09-2007, 03:09 PM
مرحبا رح اكتب طريقة تحضير السلطة المشوية يلي منشئها تونس:spy: ودارجة هالاكلة بشكل اساسي بليبيا :toth: المقادير : 1 كيلو فليفلة حدة خضرة 3 كيلو بندورة و 2 كيلو بصل يابس كاسة صغيرة من زيت نباتي (زيت اونا) حصين او ثلاثة ثوم ( حسب الرغبة ) ملعقة صغيرة ملح (او حسب الرغبة ) نصف ملعقة صغيرة كمون . طرقة التحضير : تقسم الفليفلة والبصل والبندورة بشكل طولي وتمد بالصينية بشكل عشوائي وتوضع بالفرن الى حين ما تنشواا منيح وتظهر علامات حرق (سواد) وبعد ما تنضج وتنشوى بتنحط بالبندورة بماكينة مولينكس ( او اي ماكينة لحمة يدوية ) بتنفرم بالماكينة منيح هية والبصل والفليفلة وبيندق الثوم منيح وبينحط معهم منضيف الكمون والزيت والملح ومنحركهم منيح منيح لمدة 7او 10 دقايق حتى تنخلط المقادير ببعضها منيح طبعا وهية سخنة بتستنو عليها شي 20 دقيقة لتبرد وبعدين بتنحط بالبراد منشان تكون جاهزة للغدا او بتنحط دغري عالطاولة بس انتبهو رح تطلع مشلفطة كتير يعني انا مو مسؤول عن اي حالة شلفطة :angry: ويلي بيحب الحد يرح يدعيلي عليها ويلي ما بيحبو انا ماني مسؤول عن يلي رح يصير ومأكول الهنا :spy: