المساعد الشخصي الرقمي

مشاهدة النسخة كاملة : ماسنجريات... منتديات... انترنيتيات...

Jack
06-29-2008, 04:31 AM
الانترنت هذا الجديد في حياتنا جلب لنا العديد من السبل للتعرف على أشخاص جدد والتعرف على آراءهم وأفكارهم...

من خلال خبرتك( ِ ) الشخصية...

كم شخصاً تعرفت عليه من خلال الانترنت...؟
كم شخصاً التقيت وجهاً لوجه من خلال الانترنت...؟
كيف تعرفت عليهم على النت وكيف رأيتهم شخصياً...؟

هل رأيت ما تخيلت ام صُدمت بالواقع...؟

كم عضو تحدثت معه ماسنجرياً من المنتدى ومن هم؟
وكم عضو تعرفه مسبقاً؟
وكم عضو تعرفت عليه واقعياً من خلال المنتدى...؟

وأياً منكم لديه تساؤل آخر حول الموضوع نفسه فليطرحه بعد الإجابة على هذه التساؤلات...
ABO ZOZO
06-29-2008, 03:51 PM
كم شخصاً تعرفت عليه من خلال الانترنت..؟
بين ال4700 _ 5000 او اكتر
هدول اللي حكيت معون وتعرفت عليون

كم شخصاً التقيت وجهاً لوجه من خلال الانترنت...؟

حولي 200 وكتير منون لهلاء رفقات او اصدقاء

كيف تعرفت عليهم على النت وكيف رأيتهم شخصياً...؟
اللي شفتون مرة وحدة ما بتقدر تعرف طباعون بس اللي شفتون اكتر من مرة من متل ما تعرفت عليون واكتر بالمواصفات
ومنون في تغيير كتير


هل رأيت ما تخيلت ام صُدمت بالواقع...؟
يعني في متل ما تخيلت واكيد ما رح انصدم باللي شفتو لان الصديق اللي عم تكون عايش انت وياه كتير وقت عم تنغش في احيانا


كم عضو تحدثت معه ماسنجرياً من المنتدى ومن هم؟
حوالي ال14 عبير _ مرسى_ جاك _ ايلي _ هلا_ الياس _ ميرا _ كيغام_ عبودة _ وردة الحب _بحار_ ابو عذاب_جوليانا
- ديفيد

وكم عضو تعرفه مسبقاً؟
2 هنن اللي دلوني عالمنتدى

وكم عضو تعرفت عليه واقعياً من خلال المنتدى...؟
بشكل كتير كبير6 بوجهلون تحية وبقلون المنتدى ناطرون وانت جاك مو كتير لانك كنت نعسان ههههه
عليا
06-30-2008, 01:35 AM
كم شخصاً تعرفت عليه من خلال الانترنت...؟

ما عديتهم بس مش رقم خيالي


كم شخصاً التقيت وجهاً لوجه من خلال الانترنت...؟

واحد

كيف تعرفت عليهم على النت وكيف رأيتهم شخصياً...؟

اختلاف بسيط


هل رأيت ما تخيلت ام صُدمت بالواقع...؟

لهي اللحظه لا


كم عضو تحدثت معه ماسنجرياً من المنتدى ومن هم؟

الياس ..كنان .. وطبعا معرفه بسيطه ابوعذاب بحار بشاره ابو الزوز جاك بعقوب

وكم عضو تعرفه مسبقاً؟
واحد
وكم عضو تعرفت عليه واقعياً من خلال المنتدى
واحد وطبعا الفضل للمنتدى بصداقتنا اللي مستمره من شي سنتين وكم شهر

شكرا جاك ع كل مواضيعك المميزه
Hanan
07-18-2008, 04:33 PM
بيني وبينكون يا جماعة أحياناً بكره الانترنت كلو على بعضو
بحسو بيلهيني عن شوية أمور تانية
مع أني من أكتر من سنتين خففت بنسبة 80 بالمية تواجدي عالانترنت وبالرغم من هيك بحسو عمياخد من وقتي مع أنو ضروري كتير بالنسبة ألي
يعني غربة ووحدة ووجود الأنترنت بيساعد كتير
وهلأ أبني عندو امتحانات وعمأدرس معو (سنتين كمان وبقدّم البكالوريا :biggrin: ) بس كل فترة راحة بجي عالكمبيوتر وبشوف شو في جديد ..

المهم .. لنجاوب على أسئلة السنيور جاك

كم شخصاً تعرفت عليه من خلال الانترنت...؟

مابعرف بالزبط كم شخص بس بيطلعوا شي عشرين

كم شخصاً التقيت وجهاً لوجه من خلال الانترنت...؟

6 أشخاص

كيف تعرفت عليهم على النت وكيف رأيتهم شخصياً...؟

الأغلب تعرفت عليهم من خلال المنتديات ..هلأ في منهم كنت شايفة صورهم قبل ما أتعرف عليهم شخصياً لذلك كان الموضوع عادي .. بس بالنسبة للي ماكنت شايفة صورهم .. في منهم زبطت تخيلاتي ومنهم لاء .. مثلا في وحدة تعرفت عليها كنت أقرأ لها وأتخيلها بشكل معين لكن لما شفتها طلعت عكس كل توقعاتي


هل رأيت ما تخيلت ام صُدمت بالواقع...؟

من ناحية الشكل ماكتير انصدمت .. بس من نواحي تانية ممكن قول أنو أي انصدمت .. يمكن الحق عليي لأني دائماً بفكر بالشي الجيد فقط


كم عضو تحدثت معه ماسنجرياً من المنتدى ومن هم؟

ايلي وجاك وجوليانا والياس وبحار وتموز وحكيت مرتين او تلاتة مع مرسى ويعقوب وأبو عذاب وماريان
وطبعا مع يوسف عفيصة هدا من عضام الرقبة

وكم عضو تعرفه مسبقاً؟

يوسف بس

وكم عضو تعرفت عليه واقعياً من خلال المنتدى...؟

2 بس ايلي وجوليانا .. كانوا خاطبين لسه وزاروني بالضيعة لما نزلت زيارة من سنتين وكتير انبسطت فيهون وبزيارتون
بفرجيكون الصور ؟ :biggrin:
Yacoub
07-19-2008, 01:45 PM
الانترنت انا اشتركت فيه بالاول منشان اتواصل مع اقربائي بالاول وهذا الحكي من سنة 2000 وكنت اتصفح المواقع العالمية لأنه وقتها الانترنت كان قليل بسوريا
واتصفح اخر اخبار الشركات والمنتجات يلي كنا نحلم تشوفها هون
وبعدين بلشت اخد الانترنت كعلم يعني من خلاله استفد اكتير شغلات كتواصل مع مدارس وجامعات عالمية وقوية بعض اللغات ايضا من خلال الانترنت واستفدت من بعض المقالات والمواضيع
يعني الانترنت لهل اللحظة بعتبره شي عظيم جدا كنز من المعلومات والافادة

كم شخصاً تعرفت عليه من خلال الانترنت...؟
بصراحة انا من محبي التعارف جدا جدا جدا لأنه بحب المناقشة واتعرف على تفكير كل شخص يعني بدكون تقولوا ومندون مبالغة فوق 2000 شخص

كم شخصاً التقيت وجهاً لوجه من خلال الانترنت...؟
يعني بدكن تقولوا اكتر من 15 شخص

كيف تعرفت عليهم على النت وكيف رأيتهم شخصياً...؟
تعرفت منهن من خلال المنتدى منهن من مواقع تعارف منهن من خلال غرف الدردشة
منهن شفتهن جيدين ومنهن سلبيين يعني متل العالم العاديين في هيك وفي هيك

هل رأيت ما تخيلت ام صُدمت بالواقع...؟
بصراحة اكيد النسبة الاكبر انصدمة لأنه الانترنت كتير بيخلي الواحد ينغش بالاخر لأنه بيطلع غير نفسية وغير شخصية

كم عضو تحدثت معه ماسنجرياً من المنتدى ومن هم؟
ابوعذاب - بحار - الياس - حنان - جاك - كنان - مؤيد - عبودة - مرسا- عليا - ثريا

وكم عضو تعرفه مسبقاً؟
قبل ما اشترك بالمنتدى ماكنت بعرف ولا عضو بالمنتدى

وكم عضو تعرفت عليه واقعياً من خلال المنتدى...؟
تعرفت على جاك وايلي والياس وعبودة وبشارة وكنان بعرفهم من قبل
bahhar
07-21-2008, 01:06 AM
كم شخصاً تعرفت عليه من خلال الانترنت...؟
36
كم شخصاً التقيت وجهاً لوجه من خلال الانترنت...؟
بظن حوالي السبعة اذا بدي احسبك انت وايلي وجوليانا

كيف تعرفت عليهم على النت وكيف رأيتهم شخصياً...؟
في البعض من زمان ايام غرف الدردشة والبعض الاخر اكيد من المنتدى
يعني هيك وهيك البعض متل ما اتخيلت والبعض كان عكس يلي اتخيلتو تماما

هل رأيت ما تخيلت ام صُدمت بالواقع...؟
من ناحية الشكل ما فكرت فيك كتير
بس من ناحية الشغلات التانية في عالم كتير انصدمت منها
كم عضو تحدثت معه ماسنجرياً من المنتدى ومن هم؟
جاك ايلي جوليانا مرسى عبير ابو الزوز حنان عليا الياس يعقوب
وكم عضو تعرفه مسبقاً؟

ولا واحد
وكم عضو تعرفت عليه واقعياً من خلال المنتدى...؟
ايلي جاك جوليانا الياس عبير ابو الزوز يعقوب وبتمنى التقي شي يوم بحنان