الياس جرتتيان عائد إلى أرض الوطن...

[ايلي]

الياس جرتتيان عائد إلى أرض الوطن...

أقدم صديق للموقع... أحببنا أن نرحبّ به

[تموز]

أهلا به وبكل من يعود إلى الوطن وانشالله بالسلامة . . . . . .

ومنتمنى أنو يقضي إجازة سعيدة وإذا بشكل دائم إقامة هنية :a1: :a1:

[ABEER]

يا اهلا وسهلا بالوس وان شاء الله توصل بالسلامة
واكيد رح نشوفك هون
توصل بالسلامة

[ABO ZOZO]

اهلا وسهلا برجعتك بالسلامة ولازم نشوفك بالشام

[bahhar]

اهلا وسهلا بلي جاي يا مرحبا بلي جاي منور البلد الياس جرتنيان :flower2:

[الياس جرتتيان]

اشكر كل من اهتم بقدومي الى ارض الوطن
وانشاء الله رح نحاول نشوف كل الاصدقاء في الغاليه سوريا مع كل الحب

[وسام]

أهلاً وسهلاً بالياس جرتتيان والضيعة ناطرتك على أحر من الجمر

[Yacoub]

:koolaid: يا هلا سيد الياس بين اصحابك:koolaid:

[الياس جرتتيان]

احبتي قرات هذا الموضوع القديم الحديث واردت ان اعلق عليه لمجرد التعليق
ولكي اتذكر عودتي الى الغالية سوريا ما بعرف هالكم يوم عم تطق الكبسونة معي ما بعرف
عم فكر ضب غراضي وانزل عيد مع الاهل والاصدقاء شو رايكم بعملها ولا لاء
كل عام وانتم بالف خير
وانشاء الله تجمعنا الايام

[Jack]

واللله أنا بقلك اعملا
وإذا ما بتعملا بتكون مجنون
لأنو اللي بيعيش حياتو مستقيم (يعني مفتكر حالو مستقيم) وروتين وحسابات وتخطيط مسبق لكل شي بيكون مجنون

فاعقال يا بنيّ وحجوز عأول طيارة وتعا

ولك قوم لسا قاعد؟؟؟؟؟؟

منيح اللي ما عم قلك ارجاع عالأخير

[ابوعذاب]

و انت بالف خير الياس ونصيحة خلّي هالكبسولي تطق ونزول

ومتل ما قلك جاك من اول طيارة
لانو العيد له طعم غيرشكل مع الاهل

بس طبعا اذا سمحت الظروف
وأذا انزلت....................... أنشالله بتلاقي كل اهلك بخير
واصدقائك و اقربائك
وتوصل بالسلامة

[bahhar]

اقول للجميع ان الياس جرتنيان قد ......تكلم معنا انا وجاك من سورية وهو الان موجود بين اهله في وطنه الغالي سورية ....
تفاجئنا اليوم انا وقاعد مع جاك باتصال ما اعرفنا مين صاحبو واذا .....الياس يتكلم من رقم سوري ...يا له من رقم جميل رقم سوري ..
الحمد الله على السلامة للوس وميت اهلا وسهلا فيك بين اهلك واصدقائك واعياد مباركة الك ولاهلك وللجميع :smoker: :smoker:

[Yacoub]

الف الحمدالله على سلامتك وأكيد العيد بالوطن له لذة خاصة
وكل عام وانت بالف خير
عنجد رجع طيب عطونا رقم تلفونه

[ابوعذاب]

ولله يا بحار هاي خبريي منك و أقول لك وانت بالف الف خير انت واهلك يا بحار الغالي

وتحياتي لبسنديانة وجبالا
والحمدلله عالسلامي اخ الياس ..وتنعاد عليك وعاهلك بالخير والمحبة



ولله يا ابو روما الظاهر فقست الكبسوني:a5:
ضليت انت ورا الزلمي حتى نزّلتو.......مع تحياتي

[yousefafisa]

و الله و انا كمان عمل معي الياس نفس الشي كنت قاعد ما الاقي غير ان عم يدق تلفوني و رقم غريب و سوري فتحت ما عرفتو بس بعدين عرفتو و كانت مفاجأة حلوة كتير و بتمنالك يا الياس زيارة سعيدة لوطنك و عقبيل الاقامة قريبا ان شاء الله

[الياس جرتتيان]

مابعرف شو بدي قول
المهم ان الكبسونة طقت
وفهمكم كفاية
لكم مني كل الحب :hola:

[Yacoub]

وانت ابو الكبسوووووووووووووووووووونات
ويلكم باك ماااااااااااااااااااااااااااااااااااااااااان في حلب

[بيت العز]

بســـــــــلامة ياارب

[mera]

ايمت هالسنة انشاء الله رح نقلك يالياس حمد الله عالسلامة ...

[ABO ZOZO]

انشا الله يوصل بالسلامة هو الموضوع قديم بس انا حسب ما بعرف انو جاي زيارة هي السنة

[الياس جرتتيان]

انشاء الله في 10 تموز الساعة 3 وربع بتوقيت سوريا بكون في حلب .
بس حبيت خبركون مشان تاخدوا الاحتياطات مشان الزينة والسجاد الاحمر وخلافه .
على جميع المستقبلين التوجه الى المطار قبل ساعة من وقت وصول الطائرة وذلك لتفادي الاختناقات المرورية وذلك للسبب المذكور اعلاه .
شتقتلكووووووووووووون كتير :iceman:

[mera]

انشاء الله بتوصل بالسلامة لكل مشتاق الك ...
واكيد ماتنسى الهدايا .... مو
:down:

[dima]

انشالله بتوصل بالسلامة اخ الياس بس لا تنسالنا الهدايا:laugh2:

[عصام حيش]

استاذ الياس
تحية طيبة
انشاء الله بالسلامة
اكيد رح تزور اللاذقبة بتمنى نلتقي

[الياس جرتتيان]

الاخت ميرا الاخت ديما اكيد جيتي لسوريا اكبر هدية بس اكيد مو الكون هالهدية ....:shave:
الاخ عصام بتمنى تزودني برقم موبايلك تا نحكي اكيد الي وقت كبير رح اقضيه باللازقية .
لكم مني كل الحب .

[mera]

شكرا لك اخ الياس .................

[kegham]

يا سيدي هلا و مرحبا و انشالله بتنور اللاذقية و منشوفك عند جاك:basketbal

[luli]

انشاء الله بتوصل بالسلامة الياس

وتنور سوريتنا وحلب كلها ..

تبئى خبيلي هديتي ها مو تئول ماني بحلب وتطنش عنها

[yousefafisa]

:down:
ويلكم ويلكم أخ الياس بعودتك لعنا
وميت مرحبا و ميت اهلا
و انشاء الله تكون وصلت بالسلامة يارب