الاقتصاد السوري

[تموز]

مرحبا شباب ..........

شو رأيكن بالاقتصاد السوري الحالي , وشو بتتوقعوا يكون عليه الاقتصاد بعد فترة .....؟؟
ويا ترى هل الفساد هو سبب في تدمير الاقتصاد ولا في أسباب أخرى وكيف يمكن نقضي على الفساد والبطالة العالية ونقوي الاقتصاد فعلا ..........؟؟

هاتو لنشوف أرائكن عن الخطوات يلي لازم نقوم فيها لأجل تقوية الاقتصاد والنهوض فيه

ويا ترى شو درجة تأثير الاقتصاد بتطور المجتمع وعملية التنمية في سوريا ؟؟؟؟؟؟


بانتظار اقتراحاتكن وآرائكن ..........
وأتمنى مشاركة الجميع حتى من الصبايا التي لاتهمهم مثل هذه القضايا .......

[NABEH]

:smash: أولا أساس الدولة القوية هو الأقتصاد القوي الذي يعتمد على الصناعة ولزراعة التي تؤمن المواد الأولية وتحقق الأمن الغذائي والتجارة لتصريف الأنتاج .فالأشتراكية سعت لتمليك أدوات الأنتاج للعامل والفلاح ولكنها لم تسطيع
تقوية الحس الوطني أي أنها لم تكن أشتراكية وطنية بل كانت أشتراكية لكل شخص على حدا أي لم يكن الأنتاج لتقوية الدولة بل للهروب من الفقر
ولكن البعث طرح مبدأ الرأسمالي الوطني الذي نملكه قدر معين مسموح به القانون رقم (10) ولكن الرأسمالي الوطني كان يخرج الأموال الى البنوك السويسرية والتي قدرتها وزارة الأقتصاد ب6مليار دولار يجب اعادتها وهذا ماخرج على علمه ولو أنه احدى الأحصائيات على ذمة احدى الجرايد الأقتصادية أنها كانت 14مليار .
الحل ليس بيدنا بل بيدهم ؟ الأوامر من فوق:finger:

[ABEER]

عزيزي المؤيد
الاقتصاد السوري ما بدو حدا يحكي عنو لانو كلاياتنا عايشين وشايفين بعينا شو الوضع
وبعدين مو نحنا اللي بدنا نطورو للاقتصاد السوري لانو مو بايدنا هل الشي ولا بنقدر نعمل في شي وعم نشوف كل المستثمرين اللي عم يجو من برا لحتى يستثمروا اموالون هون شو عم يصير فيون
اكتر من هيك ما عندي تعليق عل الموضوع وبرجع بقلك ما بدو حكي كتير لانو مو المهم اذا حكينا المهم شو بينفع الحكي
وبعدين نسيت قلك رح ازعل منك بعدين وقت بتقول انو البنات ما بيهمون هيك مواضيع اي شو نحنا جايين من غير كوكب ولا من غير زمان
وشكرا الك على الموضوع

[تموز]

عزيزتي عبير :

لا أعرف لماذا دوما تفسري كلامي بشكل سلبي ..... أنا لا أتهجم على البنات وإنما هذا واقع حقيقي وفعلا ما بيهتموا بهيك قضايا متل السياسة أو الاقتصاد أو الاستثمار ..... ودليل أني مو ضد البنات تمنيت أنو تشاركونا الموضوع , ولا تفكري هي الدعوة تقليل من قيمتكن أو ما شابه ذلك ....
وبالرغم من هاد بشكرك على مشاركتك ويلي تمنيت أنو تضيفي فيها فكرة ما عن الاقتصاد السوري والواقع يلي عم يعيش فيه وكيف ممكن نطوروا . . . . طبعا مو أنا ولا أنت رح نطوروا بس هاد تبادل لوجهات النظر لأجل المزيد من المعلومات حول هذا الموضوع لمن يهتم .....

وشكرا الك يا عبير على الردود وشكرا على التواصل ...........:flower2:

[ABEER]

عزيزي المؤيد
بالعكس انا ما بعتبرك عم تتهجم عل البنات ابدا بس انت ما بتفكر بطريقة مختلفة كمان ما الكل هيك بيفكر انو البنات بشكل عام ما عندون اهتمام بهل المواضيع وهاد شي مزبوط ونحنا اللي خليناكون توصلو لهل التفكير يعني الحق علينا نحنا وانت ما غلطط ابدا

والشغلة التانية انو بدك ياني احكي عن كيفية تطوير الوضع هون ما اذا قعدت هلا حكيتلك من الصبح للمسا شو الفايدة انا ما بيهمني اني احكي قد ما بيهمني انو حكيي يصير عل الواقع شي حقيقي مشان هيك اكتفيت بردي

وشكرا الك على تواصلك

[تموز]

يا خجلتي منك يا عبير ............ :frown: فعلا ما حدا شارك بالموضوع وما في غيرك أنت بنت وشب واحد يلي هو نبيه .......


طيب وين بقية الأعضاء ؟؟؟ فعلا كأنن نايمين . . يعني هاد الموضوع لازم يكون مهم لكل الشباب . . . شو وينكن ؟؟؟

[ABEER]

لا تخجل ولا يهمك
وباقي الاعضاء أكيد مو نايمين بس ما بدون يوجعو قلبون عل الفاضي

http://smileys.smileycentral.com/cat/36/36_1_50.gif

[تموز]

ههههههههههههههههههههه


يا حرام يا سوريااااااا

[عبودة]

ههههههههههههههههههههه


يا حرام يا سوريااااااا
و الله يا مؤيد يمكن سبب عدم مشاركة الشباب هو حساسية الموضوع يلي عم تحكو فيو انت و عبير و الشب و انا بضم رئي لألك بالنسبة لموضوعك و الله يجيرنا من الجاي لانو حيكون كتيير عظيم و صعب