قصة رائعة للغاية

[ABO ZOZO]

ظل الصديقان يسيران في الصحراء يومين كاملين حتى بلغ بهما العطش والتعب واليأس مبلغاً شديدا
وبعد جدال واحتداد حول أفضل الطرق للوصول إلى حيث الأمان والماءصفع أحدهم الآخر
فلم يفعل المصفوع أكثر من أن كتب على الرمل تجــادلت اليـوم مع صــديقي فصـفعني علـى وجـهي
ثم واصلا السير إلى أن بلغا عيناً من الماءفشربا منها حتى ارتويا ونزلا ليسبحا
ولكن الذي تلقى الصفعة لم يكن يجيد السباحةفأوشك على الغرق
فبادر الآخر إلى إنقاذهوبعد أن استرد الموشك على الغرق (وهو نفسه الذي تلقى الصفعة) أنفاسه
أخرج من جيبه سكيناً صغيرةونقش على صخرةاليـوم أنقــذ صـديقي حــياتيهنا بادره الصديق الذي قام بالصفع والإنقاذ بالسؤال
لماذا كتبت صفعتي لك على الرمل وإنقاذي لحياتك على الصخر؟فكان أن أجابهلأنني رأيت في الصفعة حدثاً عابراً
وسجلتها على الرمل لتذروها الرياح بسرعةأما إنقاذك لي فعملٌ كبير وأصيل
وأريد له أن يستعصي على المحو فكتبته على الصخر..


أعجبتني هذه الحكاية
لأنني لاحظت أن هناك في الخصومة من يقلب المودة إلى عداوة وبغضاء
وهناك من لا يفوت للصديق هفوة أو زلة
مع أن الصحيح أن نقبل الأصدقاء على علاتهم
مدركين أنهم مثلنا ليسوا كاملين.

[ABO ZOZO]

الرجاء قراءة القصة بتمعن والاستفادة منا

[ABEER]

شكرا الك عزيزي ابو زوزو على هل القصة الحلوة
وجد حكيك كلو مزبوط لانو لما بيكون عنا صديق حقيقي ما لازم نحاسبو على كل صغيرة وكبيرة لا بالعكس لازم نمرقلو كتير ولازم نراعي ظروفو كتير كمان ولازم نحس في لانو لو ما عملنا هيك ما بيكون هاد اسمو صديق لانو الاصدقاء مو بس بالاوقات الحلوة والمنيحة واذا بدر منك اي شي مو منيح بتروح هل الصداقة لا بالعكس الصداقة الحقيقية هي تفهم وتقدير الطرفين لبعض بكل الاحوال ولو شو ما صار ما لازم نتنازل عنا لانو كتير من الصعب انك تشوف رفيق منيح او صديق منيح بهل الزمن
وبشكرك مرة تانية عل الموضوع الحلو

[Jack]

حلوة أبو الزوز كتّر منها خلي هالعالم تنتصح

[Jack]

مو تنصح .... تنتصح

[تموز]

كلامك صحيح ابو زوزو و منطقي وحاولت أنو طبق هاد الموضوع على العلاقة الأخوية بين سوريا ولبنان بس طلع الموضوع بالعكس أنو لما وقفنا معن وأنقذناهم كتبو العملية على ( قالب البوظ ):cold: :cold: :a5: ولما صفعناهم ( وصراحة على ما يبدو كترو الصفعات ) راحو سجلو الواقعة بمحضر عند ماما أمريكا ... ( متل الصخر فرد شكل ) فشو رأيك بالموضوع والمقارنة وشو رأي الشباب ..... طيب يا ترى خلينا نعتبر هي الشكوى عند ماما امريكا و فرنسا ونسجلها على الرمل يا ترى رح يجي شي موقف مشرف من اللبنانيين ونسجلو على قلوبنا وعقولنا وذاكرتنا . . :goodbad: ؟؟؟؟؟؟؟؟ شو رأيكن ....؟؟؟؟

[ABEER]

عا فكرة يا عزيزي المؤيد انت حكيك كتير بيستفذ اللي بيقرا

لك قلتلك مية مرة كلاياتنا بنعرف الوضع منيح وليش لحتى نحكي في انا ما عم افهم
انا من عندي بعطيك ياها ما رح يكون الون موقف اللبنانيين لانو لو كان بدون ياخدو موقف كانو اخدو من زمان مو هلا بدون يجو ياخدو موقف
وشي طبيعي بدون يروحو يشتكو عند ماما امريكا لانو انت بتعرف وكلاياتنا بنعرف نحنا شو بنظرون
ولا تخليني احكي اكتر من هيك
http://smileys.smileycentral.com/cat/10/10_9_134.gif

[تموز]

شو قصتك عبير ؟ من البداية داخلة على خناق !!!!! شلون كلامي بيستفز يعني . . ؟ هي أولا
أما تانيا إذا ما بدك تحكي أنا بدي أحكي . . . ونحنا ما خلانا نتبهدل غير هي الجملة ( شو نفع الحكي ) وشو رح نستفيد من الحكي وخلافو . . . مما أدى لتكريس الشخصية السورية الخانعة والصامتة حتى عن أبسط حقوقها . . بس لأن الحكي ما ألو نفع . . طيب لا تحكي وخلي غيرك يحكي . . .
تالتا : أنا عم أتسائل أنو هل من الممكن انو يجي يوم يكون في موقف للبنانيين مشرف مع السوريين ؟ وهاد تساؤل مشروع ضمن سياق القصة والحديث . .
رابعا : تفضلي احكي أكتر من هيك شو الشغلة يعني . . . . .ووين الغلط ؟؟ احكي .....
خامسا : شكرا لألك . . . .

[ABEER]

عزيزي المؤيد
بتعرف شغلة يمكن هل الشغلات كلا انت داسة واخدا كونك صحفي ودارس اعلام
وانتو الاعلاميين سمحلي قلك وبدون زعل ما تعودنا ناخد منكون غير الحكي وبس

وبرجع بقلك وبعد ما نحكي شو رح يصير شو الفايدة من الحكي اذا عم نشوف احلامنا قدام عيونا عم تموت واذا عم نركد نركد عل الفاضي وبنحكي ونحكي ويا ريت حدا عم يسمع ولا حدا بيخلينا نكمل حكي حتى
لك انت لساتك عايش بعالم الاحلام الوردية بتمنا انك تصحا منو وتفيق حاجتنا بقا حاجة

ولا سيدي ما بدي احكي اكتر من هيك انا بكتفي بهيك لانو بفضل اني احتفظ بهل الشي
بس برجع بزكرك انو ما في داعي احكي لانو الاغلب فينا بيعرف ملابسات قضية لبنان من اول ما بلشت لهلا واذا ما بتعرفا انت بشكل صحيح بتمنا انك ترجع شوي لورا ورح تعرف منيح شو ملابساتا
وشكرا

[ABO ZOZO]

عزيزي مؤيد انا بقصد بين صدقين مو دولتين ولا تاخد اي موضوع هيك لان انت بتعرف التجاوزات الكتير كبيرة صارت من الاشخاص السوريين باللبنان واكتر من هيك من الجيش السوري هونيك كاشخاص ولو صايرة معنا كنا ساوينا اكتر من هيك وياريت تجاوب عالموضوع بحدود الموضوع

[ABO ZOZO]

انا بتمنى انو نطبق هالقصة على حالنا وصديقنا مؤيدالرجاء اخ> كل شي على واقعنا العربي لانو ازبل واقع بالدنيا ومافي لا صداقة ولا اخوة وكلو ك>ب وكل واحد بيهو مصلحتو وياريت انو ما ندخل السياسة بالمواضيع الاجتماعية لانو في قسم خاص للمواضيع السياسية

[Yacoub]

الف شكر على القصة الرائعة

[bahhar]

ولي عليك يا مؤيد كل شغلة بتقلبا سياسة الموضوع كتير حلو وفيه عبرة كبيرة عن الصداقة ومعناها
خي ابو الزوز من زمان انا مع هالحكي وبتمنى كل الاصدقاء يكونو هيك ...
بس شوف لحد هلا ما لقيت الصديق يلي بينطرني على اول هفوة ولو كانت صغيرة لحتى يبلش عتاب وخصام ومدري شو ...
الصداقة الحقيقة هي الصداقة يلي بتنسى وبتكبر عند الهفوات الصغيرة او الكبيرة منها
الصداقة مثل الحب لا حياة لاحدنا من دونها
الصداقة يا اصدقائي وفي مثل كبير وقديم والكل بيعرفو ( الصديق عند الضيق )
اذا صديقي ما اخد بايدي وقت الشدة وما كان معي الا بالافراح شو النفع منو ؟؟؟
اكيد ولا شي ..
دام كل صداقة صدوقة الى الابد ... والله لا يبعد صديق عن صديقو
وكاس صداقة واصدقاء موقع القنية الغالي :cheers:

[Jack]

يا شباب ليش هيك حملتو عالزلمة وكأنو قتللكون قتيل...
الزلمة عميضرب مثل بس مو ضروري تهاجمو وتعنّفو إذا ذكر مثل في اسم دولة يعني والله عيب عليكون

[تموز]

شكرا جاك . . .

وللي حس أني عم استفزوا رح أكتفي . . . . . . . .


بدون تعليق

والله يسامحوا




أنا ما قصدت سياسة ولو زكرت اسم دولة لا يعني موضوع سياسي بس حتى طبق القصة على الواقع لانها قصة صادقة وكلامي كان واضح
خصوصا وأني قلت أنو نحنا وجهنالن عدة صفعات إشارة لما قاله أحد الأحبة عن بعض الأخطاء
انشالله تكون وصلت الفكرة للبعض....



مع أرق تحية

[ABO ZOZO]

مؤيد نحنا مو قصدنا نهاجمك بس قصدنا هيك قصة ما منقدر نستفيد منا الا على مجال شخصي ونحنا عم نعطيك راي لتصير مشاركتنا اكتر افادة واستفادة يعني وقت بتعطينا رايك اللي اكيد بيهمنا رح نستفيد منو وانت كمان بستفاد من ارائنا مشان هيك بالقصة الاجتماعية بهمنا راي اجتماعي ولا تعتبر حكينا هجوم بالعكس اعتبر انو نحنا طالبين رايك اللي بفيدناوشكرا الك واعتبر انو حكينا اخوي لان نحنا منعتبر كل اللي بالمنتدى اخواتنا

[ABEER]

جاكو انا رح احكي عن حالي انا ما حملت شي عل الزلمة ابدا بس انا ما بحب الحكي اللي ما الو علاقة بالواقع هي هي النقطة مو اكتر يمكن انا زودتا شوي

عزيزي المؤيد انا بحترم رايك كتير ووجهة نظرك كمان واذا في اي شي زعجك بكلامي انا بسحبو بس بالنهاية انا عم وصلك وجهة نظري وانت عم توصلي وجهة نظرك وما بدها زعل الشغلة واذا بتزعل من هل الحكي اوكي انا ما عندي مشكلة اني ما عود اعطيك رايي باي شي بتقولو ومتل ما قلك ابو زوزو نحنا بالاخر اخوة هون وبنستفاد من بعض
وشكرا

[Yacoub]

جميلة جدا قصتك

[تموز]

أوكي عبير . . . بس بدي وضح شغلة وهي أنك ما انتقدتي أو عبرتي عن وجهة نظرك بالقصة أو بكلامي وإنما أسأتي لكلامي لما اعتبرتيه مستفز دون أدنى مبرر مع أنو مو هيك بيكون ( النقد ) يلي اتفقنا عليه . . . بالإضافة لأنك استهزأتي بدراستي واختصاصي وهاد ما ألو علاقة بموضوع النقاش و مع أنو من حقك تنتقدي بس مو بهاد الاستهزاء مو هيك ؟؟؟

بعدين على شو وليش بدك تنتقدي ارجعي اقرأي القصة وارجعي قرأي يلي حكيتو وشوفي وين الغلط ومنشان لأني قلبتها سياسة طيب عنوان القسم ( موضوع حر ) وبعدين انا شفت الموضوع من هي الزاوية . . إذا وين المشكلة . . . . وليش النقد . .. ما عرفت ليش كلامي مستفز وليش انزعجتي وعلى شو انتقدتيني ...؟؟؟؟
مع أني ما عندي مشكلة بالنقد . . . ولزلك خبريني وين الغلط....

على كل أنا مو زعلان أبدا وما حدا قال إني زعلان . . بس كنت متفاجأ وهلأ تفاجأت أكتر أنو ما عندك خبر بأنك غلطتي وما عندي مشكلة بس بالعكس رأيك ورأي كل الشباب والأصدقاء مهم وللغاية لأن نحنا هون كمان عم نتبادل وجهات النظر والآارء وبالمناسبة في ملاحظة وهي أنو أغلب أفكارنا متقاربة وكلنا من خلال المداخلات في عندنا نقاط مشتركة كتير وبرجع بأكد أني مو زعلان بس متفاجأ على طريقة النقد يلي كان فيها ( ...............)


بالنسبة إلي عموما وصلني رأيك ( يلي بحترمو ) وماعد رح نحكي بالموضوع لأن خلص ما في أي مشكلة وخلينا نطوي القضية

وشكرا لألك أبو زوزو على التوضيح وكلامك أكيد صحيح

وشكرا للجميع على التواصل.....

[HALA]

شو هالحكي مؤيد.....(خلصنا من الموضوع وبدك تطوي القضية) شو نطوي وما نطوي ..... طول بالك .....وانا مابدك راي
مابدكن تبطلو هل العادة ومن كل كلمة بتعملو قضية ......خلص عيب نحن اكبر من هيك
وانا بشوف انو بكل موضوع بينطرح حق اي واحد يضيف رايو مهما كان ومتل ما هو شايف الموضوع ومن الزاوية اللي بتعجبو ونحن حقنا ننقد وقت بنحس في غلط او اهانة بس بالنسبة الي انا ماشفت اي غلط بكلام مؤيد واناما فهمت ليش عبير قلتي (بس انا ما بحب الحكي اللي ما الو علاقة بالواقع )بالعكس هادا الكلام واقعي وكتير واقعي
بتصور كلياتنا متفقين عليه ولا شو رايكن !!!!!!!!!!!!!!!!!

برجع الك ابو يوسف وبقلك شو هل القصة الحلوة واكيد الفكرة واضحة جدا وميرسي لالك استفدنا كتير متل ما امرت بس اكيد انو التسامح شي قديم وضروري بين الرفقات هو بدك الصراحة انو ننجرح من المقربين كتير صعب ومؤلم بس لازم ننسى ونطنش مشان مانوصل ليوم وما نلاقي حدا جنبنا :cat:

[Yacoub]

نتمنى المزيد لكي نستفيد من العبر:wavey:

[ABEER]

عزيزي المؤيد هاد اخر تعليق بكتبو هون بس مشان وضحلك انا ليش هيك حكيت لانو يظهر انت فهمتني غلط او يمكن فهمت صح بس بنظرك انت رح قلك وجهة نظري انا
اول شغلة لما عم قول انو حكيك بيستفذ هي كانت مزحة عادية وكنت عم امزح فيا وبيبين من الصورة اللي حطيتا بالاخر اني كنت عم امزح
وتاني شغلة انا ما استهزئت بدراستك بالعكس الاعلام فرع كتير حلو وانا بحبو بس مو عنا نحنا عنا اللي بينفرض علينا شو نكتب مو نكتب اللي بدنا يا وانا هاد قصدي وقت قلتلك انو صحاب حكي وبس لانو انا ما بيهمني اني اسمع حكي قد ما بيهمني اني شوف فعل
وتالت شغلة
انا انتقدت لسبب واحد بس اني مليت من التمني اللي عل الفاضي مليت اني اتمنا شي مستحيل يمكن هي هي النقطة اللي انت ما فكرت فيا
مؤيد انا مليت من الحكي ومليت من التمني مشان هيك انا حكيت هل الحكي يعني اذا الحكي مو ممكن انو يصير عل الواقع او انو صعب يصير انا ما بيهمني ابدا ابدا
وانا ممكن كنت شوي قاسية بحكيي او بردي عليك بس لانو قلبي كان متعبي من هل النقطة بالزات وطلعت بوشك
وعلى كل حصل خير وبتمنى انو رايي يكون وصلك منيح وصح ونحنا بالاخر بنبقا اخوة واصدقاء هون حتى لو اختلفنا بالحكي او بالرأي
وشكرا الك على توضيحك وعلى تواصلك

حبيبتي هلولة
بتمنى انك ترجعي تقري منيح ردي وتفهمي صح ووقتا بتعرفي انا شو قصدي
وشكرا الك على مشاركتك

ومتل ما قال المؤيد خلينا نطوي الموضوع

[ABO ZOZO]

هلا القصة ما بدا نتسامح لان ما صار شي لنتسامح وكل اللي صار عادي ونحنا اخوة معقول نحاسب بعض على شي تافه واقل من عادي فيا ريت مو كل واحد يزت كلام على كيفو وا>ا كل واحد بدو يدايق منكون ما استفدنا من القصة غير انو اتخا نقنا سو وهي قصة عالتسامح