سؤال لكل الاخوة الاعضاء

[ABO ZOZO]

الى جميع الاعضاء الكرام اود الاجابة على سؤال مهم لمعرفة كيفية المعاملة مع الجميع ومن اجل اداء افضل للمنتدى ومععرفة كيفية التعامل مع بعضنا البعض

هل النقض للاراء التي يرد بها اي عضو على موضوع بزعل الشخص الي نقضنا رايو ؟
وهل الجميع يعتبرتلقي النقض سيكون بطريقة اخوية؟

الرجاء من الجميع الاجابة على سؤالي بصراحة

مع تحياتي

[ABO ZOZO]

انا اكيد ما بزعل لان لو بزعل ما كنت سالت هل السؤال للكل وبعتبر النقض من اخوتي وهاد كلو من اجل التقدم بالمنتدى والنهوض فيه لاعلى المستويات

[Hanan]

طيب انا رح جاوبك

لما بيكون النقد بطريقة مهذبة ومرتبة ومع حجج مقنعة وواقعية وكافية وكانت نقد للفكرة اللي ذكرها الشخص وليس الشخص نفسه اكيد الشخص ما رح يزعل
لكن اذا كان النقد على طريقة ( مسخرة ) هالشي بيزعل اكيد ويمكن يزعج الشخص كتير خاصة اذا كانت معرفتنا فيه حديثة

وهلأ بتسمحلي أنقد شغلة وردت بموضوعك ؟؟

كلمة نقد بتنكتب هيك ( نقد ) بحرف الدال وليس بحرف الضاد ( نقض ) متل ما كتبتا حضرتك

علينا تقبل النقد بروح رياضية لأننا منه نتعلم

[mrsa]

بالنسة اللي انا ما بزعل من اراء الاخوة اعضاء المنتدى
اذا نقدو اي مشاركة من مشاركاتي
بس تكون ضمن الموضوع وما تحمل طابع السخرية
واطيد رح كون مبسوط وقت بشوف في تواصل
و اراء مختلفة لحتى نوصل لفكرة مقنعة

[تموز]

طبعا عزيزي أبو زوزو بحق للجميع أنو يمارسو النقد وهاد شي طبيعي , بالعكس هاد من شأنو أنو يغني المنتدى و يزيدو حيوية , خصوصا إذا كان النقد بناء وموضوعي . . .

وشكرا لألك . . . . . .

[ABEER]

عزيزي ابو زوزو
انا بضم صوتي لكل الاعضاء وحكيون كلو صح
نحنا بحياتنا بنتعرض لانتقاد بكتير شغلات واذا هل الانتقاد كان لصالحنا ليش لا ما في شي بيزعل بالعكس نحنا لازم نشتغل على حالنا مشان ما نوقع بنفس الخطأ اللي انتقدنا عليه مرة تانية
وانا بالنسبة الي ما بزعل وخاصة هون بالمنتدى لاني بعتبر حالي بين اهلي
وفي نقطة زكرتا حنان انو اذا كان النقد بدون تجريح او مسخرة بتقبلو
وبالاخر كلاياتنا لازم نساعد بعض لحتى نطور حالنا اكتر ودايما وجهة نظر المتفرج بتختلف
وكلمة دايما بقولا كل واحد الو وجهة نظرو بالحياة وبيشوفا من منظورو الخاص
وشكرا الك

[ABO ZOZO]

حنان ميرسي على نقدك وياريت نعرف اراء الباقيين

[Yacoub]

انا احب النقد لانه يصحح الانسان

[ايلي]

ياشباب ويا صبايا هاد مش نقد هادا عراك وقتيل



بعدين في شغلة كتير حلوة ماتعلمتو من الصغر أنو في شي بيحكولنا عنو أسمو نقد ذاتي تعلمنا بمدارسنا على مدى 13 سنة بس مش زنبكون بتعرفو ليش؟
لأنو طول عمرنا منسمع شي ومناكل قتل عالشي اللي اسمعناه اذا حبينا نطبقو


على كل حال في كلمة كتير حلوة لأحلام مستغانمي بما معناه



إذا لم نتفق فهذا لا يعني أننا أعداء

[Yacoub]

وانا بضم صوتي لعبير

[غير مسجل]

اعتقد ان اهم شيء في الحياة هو الحرية والديموقراطية .فاذا كنا لا نستطيع ممارستها في حياتنا العادية فعلى الاقل نمارسها على صفحات منتدانا الجميل.والنقد البناء هو احد مكونات الحرية.فلنتقبل الاخر كما هو طالما ارتضينا ان نقيم علاقه معه.فليكن لديدنا قلب واسع وصدر رحب فالحرية لا تجزأ ولا تهدى.هي وعي وعمل.فمرحبا بكم وبأرائكم وبنقدكم لانني ساوافيكم بمواضيع ساخنة تحتمل النقاش والجدل والنقد.فلنمتلك سلاح الحرية والنقد بشرط ان لا نسيء استخدامه.لكم حبي وتقديري. الى اللقاء

[كميت]

الحرية والديمقراطية اعتقد انهما من اهم مكونات الحياة.فاذا كنا لا نستطيع ممارستهما في الحياة اليومية فعلى الاقل نمارسها على صفحات منتدانا الجميل.علينا ان نتقبل الاخر كما هو طالما ارتضينا صداقته او العلاقه معه.فلنمتلك عقولا مفتوحة وقلوبا دافئةمن اجل الارتقاءبمنتدانا وبالتالي بمستوياتنا جميعا من خلال المشاركات الجادة والفعالة .فاهلا بملاحظاتكم ونقدكم واقتراحاتكم لانني ساوافيكم بمواضيع جادة وساخنة . فحتى نلتقي لكم مني اجمل تحية كميت

[صياد الطيور]

أنا رأيي من رأي الأخت حنان تماماً ...

أهم شي يكون النقد بناء مو العكس...

[yousefafisa]

انا بأيد كل الحكي اللي نقال
وبالنسبة الي كمان ما بزعل من النقد اللي بكون بمحلو بس بنزعج لما واحد بينقدني وبكون هو اللي بدو نقد
يعني روح شيل الخشبة اللي بعينك بعدين تعا شيل الابرة اللي بعين اخوك



وشكرا كتييييييييييير على سؤالك اخ ابو زوزو الملك