اسأل سؤال وورط اللي بعدك [الأرشيف]

ABEER

07-31-2005, 08:28 PM

مرحبا يا جماعة كيفكون
في لعبة حبيت انو شارككون فيا هي لعبة قديمة وبظن انو الكل بيعرفا
اصول اللعبة انو كل واحد فيكون يسال سؤال واللي بيرد عل السؤال يسال سؤال تاني وهيك
بس بتمنى انو كل واحد يحكي الصراحة واللي ما بدو يحكي الصراحة لا يشارك

وانا رح بلش اللعبة وبتمنى من الكل المشاركة

سؤالي هو وطبعا لكل الاعضاء
ولا تنسو اللي بدو يجاوب بدو يسال سؤال

مين هو اكتر عضو بتحبو او بتفضلو بالمنتدى ؟؟؟؟؟

http://smileys.smileycentral.com/cat/36/36_1_11.gif

تموز

08-01-2005, 03:15 AM

انا بحب كل الأعضاء بدون تمييز. . . . . . خلي غيري يتورط مين هو صاحب أميز مشاركات:a7: :p :lol:

Jack

08-01-2005, 10:08 AM

ههه أنا ما بتورط

صاحب أميز مشاركات (( أنا )) بشان محدا يزعل...
وتورطوا لألكون

مين برأيك أكتر واحد بيتورّط بهيك سؤال؟؟؟

ABEER

08-01-2005, 02:26 PM

لا جاكو ما رح تورطنا ما تخاف

ونحنا اتفقنا انو جواب صريح يكون مو جواب مشان ما نزعل حدا ما بظن في حدا رح يزعل لانو بالنهاية هي لعبة
وعزيزي مؤيد كمان ردك مو رد عل السؤال كمان بدنا رد واضح اكتر كلاياتنا بنحب بعض بس اكيد في حدا مميز بالنسبة النا اكتر الشي

ورح رد عا سؤالك جاكو
اكتر واحد ممكن يتورط بهل الرد هو انت جاكو لانك رديت جواب بيرضي الكل مشان ما تزعل حدا لو ما كنت متورط ما كنت هيك رديت

ورح اسال سؤالي هلا

كل واحد فينا بيكتب بالمنتدى بجميع الابواب اكتر باب بترتاح انك تكتب في وليش ؟؟؟؟

عبودة

08-01-2005, 04:59 PM

و انا بالنسبة الي كمان ما بستعد اتورط لانو الكل هون عائلة وحدة و كل لازم يكون بحب بعضوا ما بعرف اذا حدا ررايد يتورط بس يمكن جاك يكون عندك الجواب

Jack

08-02-2005, 01:50 AM

رح أتورّط كرمالك يا عبورة وجاوب عكلّ الأسئلة.... بدون ذكر الأسباب

مين هو اكتر عضو بتحبو او بتفضلو بالمنتدى ؟؟؟؟؟
مؤيد اسكيف

مين هو صاحب أميز مشاركات
ABEER

مين برأيك أكتر واحد بيتورّط بهيك سؤال؟؟؟
ما حدا لأنو الكل متل العيلة متل ما قال عبودة

كل واحد فينا بيكتب بالمنتدى بجميع الابواب اكتر باب بترتاح انك تكتب في وليش ؟؟؟؟

المطبببببببببببببببخخخخخخخخخخخ ومن غير ليه... مع أنو ما بكتب فيه:burnout:

Jack

08-02-2005, 01:53 AM

مين هو أسئل عضو ... يعني ردودو ما مفهومة ولا مهضومة وما ألها معنى؟

اتورّطوا............

mrsa

08-02-2005, 03:24 AM

في عنا بالمنتدى عضو سئيل واحد بس بدون ذكر اسماء
و سؤالي هو
مين العضو اللي عندو اكتر مشاركات بالمنتدى
يعني مشاركات بس بدون ردود
يلا تورطو و دورو عليه
:looney: :looney:

تموز

08-02-2005, 06:56 PM

والله يا شباب أنا يلي تورطت :looney: . . . . ورطتني ( فيك ) يا جاك وورطتني ( بحبك ) :love:

رح أتورّط كرمالك يا عبورة وجاوب عكلّ الأسئلة.... بدون ذكر الأسباب

مين هو اكتر عضو بتحبو او بتفضلو بالمنتدى ؟؟؟؟؟
مؤيد اسكيف

:burnout:

مع حبي الذي لا ينتهي

مؤيد

ABEER

08-02-2005, 07:57 PM

مؤيد وقت بدك تتورط بدك تجاوب عل السؤال وانت ما جاوبت على سؤال مرسى بس بدك تتورط لازم تجاوب وتسال بهل الحالة ما تورطت انت لانو

بالفعل ورطتنا يا مرسى صعب سؤالك

http://smileys.smileycentral.com/cat/36/36_1_70.gif

mrsa

08-03-2005, 04:42 AM

العادة مافي حدا بحب يتورط

يلا شوفولنا مين انشط عضو بالمشاركات
مشاركات وبس
بدون ردود
:dance:

ABEER

08-03-2005, 05:27 PM

مرسى ما زبطت معك ما رح تورطني

الجواب عا سؤالك هو انت
انت اكتر عضو كاتب مواضيع وعدد مواضيعك هو 73 موضوع
وما اخدت معي وقت ما تخاف عرفتلك طريقة منيحة للحسبة ولو هي شغلتنا

وسؤالي هو ؟؟؟

مين هو الانسان اللي مر بحياتك وما قدرت تنسا وكان الو تاثير كبير عليك ؟؟؟

http://smileys.smileycentral.com/cat/36/36_33_2.gif

Jack

08-04-2005, 01:52 AM

لهلق ما حدا مرّ.......

ما مرق ما مرق على قلبي........ حدا ما مرق!!!!!!!!!!!

ABEER

08-04-2005, 03:37 PM

جوابك مو مقنع
وبعدين وين سؤالك جاكو ؟؟؟؟

عبودة

08-04-2005, 07:52 PM

يا سيدي يا جاك فيك البركة و احلى مدير للموقع

ABO ZOZO

08-04-2005, 11:05 PM

شو هاللعبة الحلوة بس الاعضاء الفاشلين لان الاجابات ما فيون صراحة واتقان وبعدين كل واحد عم يجاوب وعم ينسى يسال
وياريت تحاولو تعيدوا بس بطريقة انجح

ABEER

08-06-2005, 04:41 PM

معك حق ابو زوزو
لانو الاخوة الاعضاء عم يدخلو يحطو تعليق مو اكتر بدون رد
اللي بدو يحط تعليق بتمنى انو يحطو بغير محل
لانو هي لعبة وعم نتسلى فيا كلاياتنا واللي ما بدو يجاوب مو ضروري يشترك باللعبة
وانا رح زبطا هلا مشان خلصكون من الورطة واتورط انا
اخر الشي وصلنالو كان سؤالي اللي سألتو انا كان

مين هو الانسان اللي مر بحياتك وما قدرت تنسا وكان الو تاثير كبير عليك ؟؟؟

وانا بقول انو في شخص مرق علي بحياتي ممكن اعتبرو صديق اخ حبيب بيلبقلو كل الصفات اللي حطيتا هل الشخص اللي مرق علي بحياتي وما ممكن اني انسا واثر كتير عا مجرى حياتي كلا ويمكن حتى عا طريقة تفكيري وما بظن انو رح يجي يوم وينقام من جواتي لانو متربع واخد راحتو عل الاخر

وسؤالي هو

شو اكتر شي بتحب انك تغيرو بحياتك ومو عاجبك بحالك طبعا ؟؟؟؟؟؟

mrsa

08-07-2005, 03:38 AM

بحب غير الطبيعة العصبية تبعيتي

:alarm:

بس يا ترى شو هو الشي اللي بتحبو بحياتكون وما بتحسنو توصلولو

:a11:
؟
:frage:

ABEER

08-07-2005, 03:54 PM

بحب وصل للمستحيل وما عم اققدر وهي المشكلة

وسؤالي هو ؟؟؟؟؟

شو أكتر لحظة حلوة مرت بحياتكو و بتتمنوا انها ترجع؟؟؟

ABO ZOZO

08-07-2005, 06:44 PM

اكتر لحظة كنت فيا مبسوط وهي وقت ركضت اول مرة بعد المرض ووقت شخص غالي عليي وصل للي بدو ياه بعد ما تعذب كتير
وسؤالي
شو اكتر لحظة حسيتو انكون ضعاف فيا

Hanan

08-08-2005, 06:00 AM

لما بشوف شخص محتاج مساعدة ومابقدر ساعدو باشعر بضعف

وسؤالي ..

مالذي يغضبك ؟؟

تموز

08-08-2005, 11:30 AM

حينما أدرك بأني صرت عاقلا . . . أغضب كثيرا حتى أعود للجنون

لكن سؤالي هو . . . .

هل تحبون الجنون ؟؟؟ هل جننتم قبل ذلك ؟؟

جوليانا

08-08-2005, 11:35 AM

اكتر شي بيغضبني شخص يوعدني ويتأخر ساعه او أكتر
او شخص يكذب علي
سؤالي
انت شخص موجود على هذه الأرض شو هو الشي يلي بتحب مايكون موجود

gozef

08-08-2005, 02:11 PM

انا اتمنى لو الكذب كان غير موجود

88888888888888888888888888
من هو العضو الذي لا تحبه في المنتدى

Hanan

08-08-2005, 02:21 PM

رح جاوب على السؤالين ... لحتى ما نطنش حدا

هل تحبون الجنون ؟؟؟ هل جننتم قبل ذلك ؟؟

نعم أحب الجنون لأنه في لحظة الجنون لا أحد يحاسبني على تصرفاتي
بس للأسف لحظات الجنون لاتستمر أكثر من خمس دقائق
يعني ما بلحق فش خلقي

من هو العضو الذي لا تحبه في المنتدى

سؤالك شرير ياجوزيف
العضو اللي ما بحبو بالمنتدى هو أنا :a3:

************************

سؤالي ... أي سؤال من الأسئلة اللي وردت لحد هلأ حسيت أنو ورطك بالفعل ؟؟

ABEER

08-08-2005, 05:45 PM

السؤال اللي حسيت حالي ممكن اتورط في
انو مين هو اسئل عضو بالمنتدى
ودليل توريطي اني فضلت ما رد على هل السؤال لاني ما بحب انو قول عاحدا سئيل بحب اني احتفظ فيا لحالي

وسؤالي هو ؟؟؟

ليش الحب الاول ما بيرضى يفارقنا
بظن هي غنية لجوليا مو
بس بتمنى رد عا هل السؤال

ABO ZOZO

08-08-2005, 10:05 PM

ولا سؤال بصراحة
سؤالي
شو اكتر شغلة بتتمنا انو تحققا بالمستقبل

bahhar

08-09-2005, 02:55 AM

لما تخلت عني وهي تحبني

شو رائيك فيني انا بحار ؟؟؟؟؟؟:dance:

Jack

08-09-2005, 03:11 AM

بلالك ياها أحسن........

مين لازم يكون مدير الموقع غيري أنا؟؟؟

mrsa

08-09-2005, 03:18 AM

اكيد مو انا واذا ولا بد من مدير غيرك
انا بفضل يكون ايلي
وسؤالي يا حلوين هو
ما هية الحياة بالنسبة لكم
؟
:goodbad:

تموز

08-09-2005, 03:21 AM

ما حدا ....... أنت وبس ...... من شان شغلك الإضافي ( .....)

مين العضو يلي لازم نقلعوا من المنتدى ؟؟؟

أنا مو ؟. . . . ئي بعرف ............بسيطة

ABEER

08-09-2005, 07:57 PM

مرحبا يا جماعة
اسمي انا اللي حطيتلكون اللعبة رح عين حالي حكم عليها طبعا بعد ازنك جاكو
يا جماعة انتو كتير عم تخبصو وعم تنطو كتير بدي ضل رقع انا انتبهو منيح شبنا

ابو زوزو انت جاوبت عل السؤال اللي قبل السؤال اللي لازم تجاوب علي السؤال اللي كان لازم تجاوب علي هو ليش الحب الاول ما بيرضى يفارقنا
بحار انا ما بعرف جوابك كان عا انو سؤال بصراحة لانو جوابك ما الو علاقة بولا سؤال
مؤيد انت كمان جاوبت عا السؤال اللي قبل السؤال اللي لازم تجاوب علي
السؤال اللي كان لازم تجاوب علي هو
ما هي الحياة بالنسبة لكم
يعني هلا على حسب حساباتي في تلت اسئلة طنشتوا ونطيتو على غيرا

مشان هيك رح ارجع رقع مشان اللعبة تمشي مزبوط وما نطنش حدا ابدا

رح بلش باول سؤال مع اني انا اللي سالتو بس رح جاوب حالي

الحب الاول ما بيرضى انو يفارقنا لانو هو اول احساس حب بيدخل عا قلبنا فبيكون الو غير اثر وغير طعمة هاد رايي

واكتر شغلة بتمنا اني حققا بالمستقبل اني كون ام منيحة ويفتخرو ولادي فيني

والحياة بالنسبة الي
تناقض كتير كبير وحلوة كتير بس لازم نعرف كيف نعيشا صح

ومين العضو اللي لازم نقلعو

بظن انو العضو اللي لازم يتقلع هو اللي ما بيحترم المنتدى ولا الاعضاء وهو اللي ما بيقدر المنتدى كمان مشان هيك ما بظن انو في واحد بيناتنا بيحمل هل الصفات لانو كلاياتنا بنحب المنتدى كتير وبنسعى لانو نطورو

وسؤالي هو ؟؟

اذا انطلب منك انو تطلب تلت امنيات بحياتك كلا وشو ما طلبت رح يتنفذ شو بتطلب ؟؟؟

ABO ZOZO

08-09-2005, 11:42 PM

عبير رح اعطيكي ٣ طلبات
١ ما بدي مصاري كتير غير انو عيش مرتاح انا وعيلتي
٢ بنت حلال حبا وتحبي وعيش عيشة بتجنن انا وياها
٣ ولاد كاملين لنكون عيلة حلوة كتير
وسؤالي هو
شو الامنية اللي بتحب تحققا بحياتك

تموز

08-10-2005, 12:57 AM

شكرا عبير على حرصك على التنظيم والتحكيم بس يلي صار معي على الأقل أنو فعلا عم جاوب على السؤال يلي قبلي بس يمكن في حدا بنفس الوقت عم يجاوب لكن عمل أوكي قبلي ربما بثواني . . . ( بتوقع هيك )

وهاد يلي صار أنو ما حدا جاوب على أحد أسئلتي وكان بعدي مباشرة . . . على كل مو مشكلة المهم نجاوب بالنهاية ولو كان التنظيم أفضل . . . .

ابو زوزو أنت كررت تقريبا تفس سؤال عبير بس بدك أمنية وحدة . . .

طيب رح جاوب على السؤالين على أساس عندي تلات خيارات وبعدين عندي خيار واحد... وشكرا

جواب سؤال عبير . . .

1 - بتمنى أنو يسود العدل في الكرة الأرضية
2 - بتمنى أنو كون انسان صالح مهما كان عملي ومهنتي
3 - بتمنى أترك بصمة بالحياة واسهم في خدمة الإنسان

جواب سؤالك ابو زوزو
لأن ما في غير خيار واحد بتمنى أنو يجن كل الناس وهي أمنية حقيقية

سؤالي هو . . . . ليش عايش يا أنت يلي رح تجي بعدي ؟؟

mrsa

08-10-2005, 02:19 AM

انا عايش متلي متل كل المجانين اللي بالعالم

وبعدين انا بفكر مافي حدا قبلي ولا بعدي مجنون
سؤالي هو
اذا كان معك بيدك اليمين وردة و بيدك الشمال خنجر
لمين بتعطي الوردة و لمين بتعطي الخنجر

&

:sleepy:

ABEER

08-10-2005, 02:42 PM

سؤال حلو
رح أعطي الوردة والخنجر لنفس الشخص شخص بحبو كتير والتنين رح يكونو من نصيبو
ورح قلكون ليش
الوردة ممكن تكون اكبر تعبير عن حبي الو وانا بحب الورد كتير وخاصة الاحمر
الخنجر بالنسبة الي حيكون حماية وانا عم اعطي الحماية اللي عندي وعم اتنازلو عنا فكمان رح اعتبرا تعبير عن حبي الو

وسؤالي هو ؟؟؟

اذا صارت مسألة الاستنساخ مسألة عادية ومتداولة بين كل الناس مين هو الشخص اللي بتتمنا انك تستنسخو ؟؟؟

ABO ZOZO

08-10-2005, 05:58 PM

ما بستنسخ حدا لان الله خلق كل شخص وخلق الو خصوصية كتير كبيرة بقا بحب هي الخصوصيةتكون موجودة بس بهل الشخص
سؤالي
شو بتساوي اذا فقدت اغلا شي بحياتك

mrsa

08-11-2005, 02:06 AM

اول شي رح جاوب على سؤال عبير
بس يا عبير اذا بتعطي الخنجر للشخص اللي بتحبي رح يكون هو اول واحد بيطعنك بخنجرك
اذا صارت مسألة الاستنساخ مسألة عادية ومتداولة بين كل الناس مين هو الشخص اللي بتتمنا انك تستنسخو ؟؟؟
عبير
انا بتمنا يستنسخو هتلر وما حدا يسئلني ليش

تاني شي سؤال الغالي ابو يوسف
الحياة ما بتوقف عند شخص او شي منفقدو

و سؤالي هو
شو هو شعورك وقت بتوقف قدام المراية
(طبعا مو قت بتكون مبسوط و مكيف وبدك تمشط شعرك)

:dance:

ABEER

08-11-2005, 04:55 PM

اول شي بشكرك يا مشرفنا العزيز على اجابتك على أسئلتي
ورح جاوب على استفسارك لما انا بعطي الخنجر للي بحبو اكيد ما رح يطعني في لانو اذا طعني في وقتا انا رضيانة لاني أسأت الاختيار أو كنت مخدوعة في ووقتا أنا لازم أتحمل مصير أختياري فما حيكون عندي مشكلة اذا طعني

وهلا رح جاوب على سؤالك
انا لما بوقف قدام المراية يا سيدي بطلع بعيوني كتير وبفكر انو انا رضيانة عن حالي ولا لا وبصراحة ما بطول كتير بالنظر عا حالي وقت بصفن لانو النتيجة اني مو رضيانة عن حالي مية بالمية مشان هيك بتهرب اني اطلع بعيوني وبتمنى يجي يوم واطلع بعيوني بدون ما اتهرب

وسؤالي هو ؟؟؟

ليش العدائية الكتير كبيرة اللي بنشوفا بين الناس وليش الدنيا صارت دنيا مصالح وبس ؟؟؟؟

ABO ZOZO

08-11-2005, 08:10 PM

لان صار كل واحد بيحب حالو اكتر من كل الناس وبيحب ياخد كل شي وما يعطي شي
سؤالي
ليش الانسان الطيب والدرويش بيعتبر غبي

ABEER

08-13-2005, 06:12 PM

لانو هو الشخص الصح بالزمن الغلط

وسؤالي هو

كلاياتنا عنا هموم ومشاكل بس ما فيك تحكي كل شي لاي حدا مين هو الشخص اللي بتقدر تحكيلو كل شي جواتك بدون خجل او تجميل أو تحفظ؟؟؟؟؟؟

HALA

08-13-2005, 07:01 PM

مستحيل تلاقي انسان يكون عندك القدرة انك تحكيلو كل مشاكلك
ممكن نوثق بشخص ونخبرو عن مشاكلنا بس مو كلا...... وممكن واحد تاني نخبرو الشي اللي ما قدرنا نحكيا للاول ........يعني هو حسب المشكلة اللي نحن فيا ومعرفتنا بتقبل الطرف التاني للموضوع
وبالنسبة لالي اكتر انسانة ممكن اني الجا الى طبعا مو بكل شي هي ماما

وسؤالي هو : هل من الممكن ان نخطأ في تحديد مشاعرنا اتجاه شخص ما .......؟؟؟؟؟؟؟؟

ABO ZOZO

08-13-2005, 07:06 PM

الشخص اللي بحكيلو كلشي هو اي شخص لان ما عندي شي اخجل منو بتصرفاتي وبحكي كل شي خصوصا لاهلي
سؤالي
ليش ليش قصة الحب تنتهي بالقصاص لشخص من الطرفين

ABO ZOZO

08-14-2005, 03:37 PM

هلا اسف لان هيك صار بس لو تنتبهي للوقت لتلاقي انو انا كنت عم اكتب وقت جاوبتي انتي
اما بالنسبة لجوابي اكتر شغلة ممكن يغلط فيا الشخص هيي مشاعرو تجاه الاشخاص لازم لتحددي شعورك تجاه اي شخص تعرفي كل شي عنو وتكون مدركة هي الشغلات بحواسك الخمسة وتفكري بالشخص بالعقل كتير كتير لتقدري تحددي مشاعرك ويقدري تتحكمي فيا
وسؤالي رح عيدو
ليش قصة الحب الفاشلة بتتحول لقصاص لاحد الطرفين

ABEER

08-20-2005, 09:26 PM

لانو الطرفين ما عرفو يشوفو كتير شغلات ببعضون وأنا ما بتصور انو قصة الحب لما ما بتكون نهايتا الارتباط تعد فاشلة لا بالعكس لازم الواحد يضل يتزكر كل شي حلو عن التاني وانا اللي بعرفو اللي بحب ما في لا يكره ولا يحقد وبس

وسؤالي هو

شو هو الشي اللي بتتمنا انو ترجع الزمن لورا مشان تغيرو ؟؟؟؟

ABO ZOZO

08-20-2005, 09:59 PM

ما بحب غير شي ولا بحب يرجع الزمان لورا لان دايما بطلع لقدام وبشوف اللي تعلمتو من الماضي مشان يكون دروس لقدام
سؤالي
شو الهدف اللي راسمو لقدام وعم تركض لتحقيقو

ABEER

08-22-2005, 04:20 PM

انا الهدف اللي حاليا حاطتو قدامي ما ممكن اني سمي هدف ممكن طموح
اول شي اني ابقا بشغلي متميزة وطور حالي اكتر واكتر
تاني شي اني خلص دراستي على خير وبسرعة
تالت شي يمكن زكرتو قبل هلا بس رح ارجع ازكرو بحب اني كون ام وزوجة يفتخرو فيني ولادي وزوجي

وسؤالي هو
لوين ممكن توصل درجة التسامح عندك ؟؟؟

Jack

08-23-2005, 12:57 AM

للموت

اقتيليني وحياة الله مسامحك

في أحلى من التسامح... أصلاً بلا تسامح ما منقدر نعيش....

ما هي أهم صفة تتمناها في شريك حياتك الحالي أو القادم؟؟؟ صفة واحدة فقط؟؟؟

gozef

08-23-2005, 04:53 PM

الاخلاص

اذا ترك جاك ادارة الموقع مين بترشح يكون المدير

ABO ZOZO

08-25-2005, 10:45 PM

اي شخص بيختارو هو بعدولان هو بيعرف مين هو الشخص اللي لازم يكون محلو
وسؤالي
شو الشي اللي خسرتو من احلامك وما عد صرت بدك توصلو

الياس جرتتيان

10-06-2005, 08:47 PM

قصدك شو هو الحلم الي كنت بتتمنى تحققه وما تحقق وانت غيرت رايك وما عاد بدك هالحلم
والله يا ابو الزوز سؤالك صعب كتير
والجواب هو كل انسان بيتمنى يحقق كل احلامه بس يكون شي بالمعقول واذا فشل بتحقيق شيئ عليه ان يحاول كمان وكمان اما فكرة ان يتخلى عن حلمه
فهذا انسان فاشل
سؤالي اذا كان عندك صديق مثل ايلي اقصد صديق صديق حقيقي شو بيكون شعورك