رجاء مهم من جميع الاعضاء

[ABO ZOZO]

الى جميع الاعضاء الموجودين في المنتدى مفارقة صغير فقط
لماذا لا نجعل كثرتنا بالمنتدى مفيدة لماذا تكون مضرة
ان حشي المواضيع بهذه الصورة تجعل مواضيعنا جميعا اقل فائدة يجب ان نترك الموضوع ياخذ وقته من اجل الاراء الاكثر والافادة الاكثر وخصوصا المواضيع القيمة ولكن كثر ة في كثير من الايام ارى ٤ او ٥ مواضيع خلف بعضهم او اجابة على المواضيع القديمة جدا فهذا الشي يجعل المواضيع مدفونة وهناك كثير من المواضيع الغير مجاب عليها بسبب هذا الشيء فليكون هناك اعتبار لتعب جميع الاعضاء الذين يقومون لبحث والتفكير بمواضيع مفيدة ارجو ان ينال كلامي صدا لدى الجميع والاخذ بالاعتبار اني لا اقصداي عضو واعتبار الجميع اخوة مع الاحترام لمواضيع واراء الجميع وشكرا

[Hanan]

معك حق ابو زوزو
الأفضل انو ماينزل كتير مواضيع بنفس اليوم .. واللي عندو موضوع جديد بيقدر يحتفظ فيه لحتى تكون المواضيع اللي قبلها أخدت حقها الكامل .. على الأقل من القراءة

ألاحظ كثرة المواضيع في قسم معين ( خاصة المنتدى الحر والهوايات والطرفة ) بينما باقي الأقسام شبه جامدة
فليكن التعاون بين الجميع على تغطية الأقسام كلها ففي المنتدى مجموعة رائعة من الأقسام وكلها تحتاج الى تفعيل

[تموز]

القلب على القلب يا أبو زوزو صدقني من يومين كنت بدي أعمل هاد الاقتراح . . . لأن فعلا كان في مواضيع كتير شيقة بس ما عرفنا ايمتى نزلت وما في وقت كافي لحتى نرد عليها خصوصا إذا صار فيها علقة ( ئي بتبرد العلقة وما بتوفي معنا ئي ئي خيو لكان :bounce: )


عنجد الموضوع لازم يا خد وقتو حتى نقدر نعبر عن آرائنا ونتابع الآراء المختلفة بدون تشتيت بس يلي صاير أنو في منافسة على الرقم الأعلى في تنزيل المواضيع وبرأيي هاد الموضوع لازم نخليه لمرسى كونو هو يلي اعتلى عرش الرقم القياسي بأعداد المواضيع وما لازم نزاحمو علي ونعملوا هدفنا ولا زم يكون الهدف هو التعبير عن الآراء والمشاركة . . . وبرأيي خلينا نبدأ الموضوع سوا......

[ABO ZOZO]

حنان ومؤيد شكرا على اهتمامكن بها الموضوع وبتمنى انو نشوف اراء الاعضاء كلون

[Hanan]

ماعمشوف أي ضرورة للمنافسة .. بعدين اذا بتكون المنافسة بنوعية المشاركات وليس بعددها مو بيكون أفضل ؟؟

مو المهم انو العضو ينزل عشر مواضيع باليوم .. المهم انو ينزل شي ممتع ومفيد ويعطي مجال لغيرو من الأعضاء انو يقدموا اللي عندهم

تحياتي

[mrsa]

بتمنا من الاخوة الاعضاء اعطاء كل موضوع حقه من الوقت

لاني ارى كل يوم مواضيع جديدة مما ياثر سلبا على المواضيع القديمة نوعا ما
لانها لا تاخذه حقها من النقاش
و شكرا ابو يوسف لانو فعلا القلوب عند بعضا
شتقتلك كتير

[عبودة]

و انا معكن بكل الاقتراحات يا اصدقائي الاعزاء المواضيع يلي عم بتنطرح ما عم تاخد حقها بالرد ولا زم نشوف حل و نعطي كل المواضيع الجديدة و المميزم حقها

[ABEER]

انا معك ابو زوزو

وفعلا القلوب عند بعضا
اي انت لو بتعرف انا اول ما بفوت عل المنتدى شو بعمل لحتى اققدر شوف الردود كلا والمواضيع كلا هي كخطوة اولى بس
ونحنا عن جد لازم ننسق هل الشي
ومو مهم مين اللي حط مواضيع اكتر من التاني المهم قيمة الموضوع نفسو وفعلا كتير مواضيع ما عم تاخد حقا منيح وما عم نشوف فيا أراء كل الاعضاء
ورح بلش من عندي يا جماعة بهل الخطوة هي الكون علي من هون لاسبوع تاني ما رح نزل ولا موضوع جديد وهي خطوة اولى انا رح بلش فيا
ولازم ننسق بين تنزيل المواضيع والمشاركة بالمواضيع
ورح اقترح عليكون شغلة انو ممكن نحدد يوم بالاسبوع كل عضو ينزل المواضيع اللي بدو ياها وبنترك باقي الاسبوع لمناقشة المواضيع شو رايكون
بدنا رأيك جاكو

ونحنا بالنهاية كلاياتنا عم نسعى انو نطور المنتدى اكتر واكتر ونستفاد من بعضنا كمان بالمواضيع اللي بنكتبا وبنتناقش فيا

وشكرا ابو زوزو عل الاقتراح اللي بيجنن

http://smileys.smileycentral.com/cat/36/36_1_11.gif

[gozef]

اعتقد انو ادراج المواضيع

بكثرة رح ياثر بشكل سلبي على المواضيع المهمة فعلا
وانا معكن انو لازم الموضوع ياحد حقو من المناقشة
وهون لازم الادارة تاخد دورا

[ABO ZOZO]

شكرا الاخوة الاعضاءكلكن عالموافقة وانا حبيت ناشدكن الكون لان الادارة ما بتقدر تميز بين الاعضاء وهاد الشيى بدو تكاتف مع بعضنا البعض من اجل الاستفادة من ردود الكل موالمهم ١٠ مواضيع ما حدا يطلع عليا المهم موضوع الكل يعطي راي فيه وشكر خاص لمرسى المشرف انا كمان مشتقلك كتير وحابب شوفك بس ما بقدر قلك غير الله يوفقك ويقويك وقلبنا معك

[Jack]

حكيكون مظبوط

بس أنا مو موافق.................؟؟؟؟؟؟؟؟؟؟؟؟؟؟؟؟؟؟؟؟!!!!!!!! !!!!!

هيك وكمان عنيد وتنح ;)