الخيانة

[ABEER]

مرحبا للكل
يمكن كلمة خيانة الها معاني كتيرة والها طرق كتيرة
ويمكن هي شغلة كتير بشعة بكل صورا
انا حابة اني اعرف من كل واحد فيكون شو بتعنيلو هل الكلمة وليش ؟؟
وبدي أعرف شو الشي اللي بيدفع الشخص لحتى يتوصل لهيك مرحلة ؟؟
وأنا بقصد الخيانة بشكل عام يعني بكل أشكالها مو شكل واحد بس؟؟
بانتظار ردودكن

[ABO ZOZO]

الخيانة اكيد شي كتير بشع وهونوع قاسي من انواع الغدر بالانسان اللي منخونو بس اسبابا كتيرة اول شي حسب الاخلاق الشخصية او تدخل عنصر تالت باي قصة او بيجوز الغلط يكون من الطرف المغدور واوقات الظلم بيلعب دور كبير وكتير غير هل الشي من الاشباب بس كل هل الشي ما بيرر النا انو نخون شخص منحبو

[الياس جرتتيان]

يا سيدتي لازم تحددي اي نوع من الخيانه مشان نعرف على اي نوع بدنا نعلق لان الخيانه كلمه كبيرة وفي كتير اشكال والوان ودرجات للمفهوم اهم شي ان الخيانه مرة

[وسام]

الخيانة في دم كل انسان مستحيل يكون في اسان ما بيخون

[ABEER]

شكرا للجميع على الرد
عزيزي ابو الزوز
حكيك مقنع الى حد ما ومزبوط وبشكرك على ردك

عزيزي الياس
الخيانة هي الخيانة بكل اشكالها وانا تقصدت انو ما حدد انو خيانة مشان ما ندخل بكتير بواب انا عم احكي عن الخيانة بكل اشكالها شو الاسباب اللي بتأدي لالها وممكن ابو زوزو عطانا كم سبب منا
وشكرا الك الوس

السيد وسام
من وين جايب نظريتك هي ممكن انك تقلي
لا يا عزيزي الخيانة مو موجودة عند كل الناس ولا موجودة جوات كل حدا فينا انت كتير غلطان وبتمنى انك تعيد ترتيب افكارك
وشكرا لردك