كلمة وحدة بتعبر عن العضو اللي قبلك 2

[ABEER]

مرحبا للكل
زميلتنا حنان اقترحت شغلة انو نلعب نفس اللعبة بس نحط الصفات السيئة
وانا حبيت اني نفذ اقتراحا وفكرتا حلوة
بس بدون زعل من حدا لانو بالنهاية كلاياتنا اخوة وأصدقاء هون
وكل واحد فينا متل ما عندو صفات منيحة عندو صفات سيئة كمان
وممكن انو كتير مننا بيحب انو يقول للتاني عن صفة مو منيحة في او حاسس انو هي في
مشان نقدر ممكن نحسن هل الشي اللي فينا او نلغلي
وخلينا نشوف رأي كل واحد فيكون بس بدنا هل المرة الصفة السيئة بالعضو اللي قبلك
وشكرا للكل

[Hanan]

اي ياهلا بـ عبير
وشكراً لأنك بلشتي بهالموضوع

طيب رح قول شغلة ما بتعجبني بردودك ... هلأ هي مو صفة بس اي لاحظتا انك مابتردي عالمواضيع الا باللهجة العامية

طبعا انا ما قرأت كل ردودك لان في كتير مواضيع ما قدرت أقرأها حتى الآن بسبب ضيق الوقت بس من لما سجلت لحد هلأ لاحظت انك بتعتمدي اللهجة العامية بردودك ... وكنت باتمنى انك تردي بالفصحى على الأقل لحتى تبقي محافظة على لغتك الفصحى

على مين الدور ؟؟؟

[تموز]

الدور علي أنا . . . .

طبعا حنان أنا ما عندي اي ملاحظة سيئة عليكي . . . بس هلأ عندي ملاحظة . . ( زغنوطة ) .... ومو سيئة وهي أنو من حق أي شخص يكتب بالطريقة يلي بتريحو وبعدين مع أني لغتي الفصحى قوية ( الى حد ما ) بس ليش ما نعتز بلهجاتنا المحلية ونعبر عن راينا فيها وهي ملاحظة مهمة ( وبحث قديم ببالي عندي رغبة اني قدمو ) وأنا عندي مبرراتي لهاد الموضوع ممكن نحكي فيه بقسم خاص . . .

شكرا يا حنان و برجع بقول أنو ما عندي شي غير هي الملاحظة الصغيرة . . . .

ملاحظة تانية أنو بهاد الموضوع ما رح نقدر نختصر بكلمة وعلى ما يبدو لازم نبرر ليش عبرنا عن راينا بالسوء تجاه الشخص يلي قبلنا . . . .

تحياتي

[Jack]

خلص لبقى تحكي معي

أحسنلي وأحسنلك إذا حكيت بدك تزعل؟؟؟
وأنا بدي إزعل من يلي بعدي وعلى هالمنوال

[Hanan]

ولو ياجاك ليش غيرت توقيعك

كان فيه كتير صفات سيئة ممكن نكتبها من عندك بدون مانعذب حالنا وندور :biggrin:

اذا بدك تزعل خبرني بس http://www.marmarita.com/vb/images/smilies/h_hit_3.gif




كاسك ولو http://www.marmarita.com/vb/images/smilies/cheerz.GIF

( مسموح تهريب الايقونات ؟؟؟ )

[Jack]

حنان رح أستغل هالصفحة بالرد بس رح عبر عن اللي عجبني
لأنو ما بتسمحلي الفرصة أحكم بعدك بالموضوع الأول
( كلمة وحدة بتعبر عن العضو اللي قبلك )

انت انسانة كتير ظريفة وحساسة ولذيذة المعشر على ما اتضحلي رغم بعض عصبيتك وحماسك لبعض المعارضات إنما صدقاً غالباً ببحث عن مشاركاتك لاقراها

هنيئاً للذي يغفو في قلبك

مع كل احترامي


ايلي

[Hanan]

رد فعل أول


http://www.marmarita.com/vb/images/smilies/H_12SH.GIF http://www.marmarita.com/vb/images/smilies/H_12SH.GIF http://www.marmarita.com/vb/images/smilies/H_12SH.GIF



رد فعل ثاني

http://www.marmarita.com/vb/images/smilies/za_thanx.gif




رد فعل ثالث

ليش طلعت عن الموضوع ؟؟؟ http://www.marmarita.com/vb/images/smilies/F_14WA.GIF


لا بجد هلأ مين اللي رد جاك او ايلي لأن التوقيع بالأخير كان بأسم ايلي

بكل الأحوال بتشكرك ان كان جاك أو ايلي ...

بس رجاءً لاتاخدوني بالعبطة ببطل شارك ها http://www.marmarita.com/vb/images/smilies/h_hit_3.gif



على مين الدووووور

[التائه]

لسا انا جديد بالموقهع يعني ما لازم شارك بهيك موضوع
بس من خلال المشتركات والمواضيع يلي قريتا كلا ولكل الاعضاء لاحظت انك مهضومة وعصبية متل ما قال جاك
بس ليش انت هيك ؟؟؟؟؟؟:a5:

[ABEER]

يا جماعة انا بهل اللعبة اتأكدت انو نحنا قديشنا بنحب بعض ولا واحد فينا عم يرضى يحكي كلمة عل التاني او ينتقدو بشي
حنونة ما زبطت فكرتك هيك انا شايفة
يا جماعة مو ضروري النقد يكون شي مو منيح بالعكس ممكن انو نحنا نستفاد منو واسمنا كلاياتنا هون اخوة ورفقات لازم نتقبل النصيحة من وجهة نظر الطرف التاني وممكن هو يكون شايف فينا شي نحنا مو حاسين علي او مو شايفينو
يعني متل حنان قالتلي انو انا بحكي بلهجة عامية وبررتلي هل الشي أنا ممكن اني احكي بلغة فصحى بس انا بحس اللهجة العامية بتكون قريبة اكتر وبحب اني عبر فيا اكتر وهيك انا برتاح بس ملاحظتا كانت بمحلا وشي مزبوط
يعني ممكن انو نوجه ملاحظات لبعض مو ضروري تعتبروا انتقاد
وممكن انكن تحطو تبرير عن الشي اللي كاتبينو كمان

وشكرا لتعاون الكل وشكرا الك حنون على ملاحظتك

[Hanan]

اي والله تسلمي يا عبير على هالروح الرياضية

يعني هالشي مارح يكون متل مباراة بقدر ما يكون تحسين الخطأ إن وجد
وانا معك انو اللهجة العامية أقرب للكل من الفصحى بس في مواضيع بتحمل انو يكون الرد عليها بالفصحى
بس مثلاً متل هالموضوع اذا كتبتي ردك بالفصحى ماحدا بيقرأه
بكل الأحوال كان مجرد راي لا اكتر ولا أقل

بس هلأ بربك عبير حقي عصب ولا ماحقي عصب
دمي فاير الله وكيلك
أنو بحضك أنا عصبية شي .؟؟؟ http://www.marmarita.com/vb/images/smilies/I_ANGR.GIF

شوفي كيف طالعوني عصبية بين جاك والتائه

حدا بيسلطن مع فيروز بيكون عصبي ؟؟؟؟؟

بطلت احكي معكون من هلأ لتغيروا رأيكون

وهه http://www.marmarita.com/vb/images/smilies/h_hit_3.gif

[Jack]

أولاً انا جاك هلق...
ثانياً على فكرة يا حنان أنا وايلي منفوت عالإنترنت من نفس الجهاز بالبيت لهيك أوقات بكون فايت بإسمي قوم هو بيردّ بدون قصدوا بإسمي بدون ما يفوت باسمو لهيك لاتواخذيني أنا مادخلني وأنا ما شفتك عصبية أبداً......

بس زرعيا بدقنا هالمرة!!!!!!!!!!

[ABEER]

تقبري قلبي حنون
لك اذا في حدا رايق هون بيكون انتي بالعكس
انا ما حسيتك عصبية ابدا
هلا اذا كانو علي انا انو عصبية مقبولة لانو انا بعرف حالي عصبية كتير
بس انتي ما في اكتر من هيك رواق
بعدين هي اشتركنا تنيناتنا بشغلة
انا ما بروق الا اذا سمعت فيروز

[Hanan]

ماشي جاك .... زرعناها http://www.marmarita.com/vb/images/smilies/a_plain.gif


وميرسي ياعبير كلك زوق

اي هيك ها روقنا شوي ... قال عصبية قال http://www.marmarita.com/vb/images/smilies/b_wink.gif

[EMAD]

الاخت حنان كطبيب ينصح مريضه بعدم التدخين وبيده سيجارة مولعة ؟؟؟؟ تنتقد عبير بالتكلم والرد في المنتدى باللهجة العامية ----- وهي
اي الاخت حنان -- تتبع نفس اللهجة في التكلم
مع عبير اي بلهجة عاميةكذلك ؟؟؟ هناك محطات تلفزيونية تبث برامجها باللغة المحكية ؟؟؟ كمحطة ال -- ل - ب - س اللبنانية مثلآ--- للتوضيح لا أكثر ----- عماد ---

[Hanan]

معك حق عماد

بس لو انت قرأت ردي مزبوط كنت انتبهت على شغلة

انا ماقصدت انو عبير تكتب كل ردودها بالفصحى ... حتى انا مو كل ردودي بالفصحى
هي محاولة انو نحاول نرد على بعض المواضيع اللي ممكن انو نرد عليها بلغة فصحى سليمة
لأني أتفاجأ بكتير أشخاص .. جامعيين او على الأقل معهم الثانوية وعندهم أخطاء لغوية فادحة

هي مجرد دعوة لتحسين لغتنا العربية من خلال بعض الردود

وأكيد الفكرة رح توصل للقارئ ان كان باللغة المحكية او بالفصحى

ودمتم

[الياس جرتتيان]

انسانه مثقفه ذكيه مواضيعها قيمه الله يوفقك حنان والى الامام

[Hanan]

الرجل الأنيق







******

[ايلي]

كلامها في محلّو

[Yacoub]

لا يحب الخطأ ابدا