اعتذار الرجل للمرأة !!!!!!!!!!!!

[ABEER]

مرحبا للكل
سؤال بيطرح نفسو دايما
واختلفت الاجابات عليه بشكل دائم
هل اعتذار الرجل للمرأة ينقص من قدره ؟؟؟؟
هل غرور الرجل الدائم يمنعه من الاعتذار ؟؟؟
وهل الرجل بمجتمعنا الشرقي بتختلف حساسيتو بهل الموضوع عن غيرو ؟؟؟
كلاياتنا بنعرف انو المرأة بطبيعتا حساسة كتير ورقيقة المشاعرواي كلمة ممكن انو تجرحا وتكسرا ومو ممكن انو تسامح بسهولة بس بكلمة وحدة من الرجل انا اسف اعذريني بتنسا كل شي وبتسامحو
بدي أعرف شو هو شعور الرجل لما بيعتذر ؟؟؟؟
وهل من الممكن انو الاعتذار بالنسبة الو يكون بمثابة الاهانة ؟؟؟
وهل الرجل لازم يعتذر بالكلمات او في شغلات تانية ممكن انو يعملا بتحل محل الاعتذار ؟؟؟

[mrsa]

انا رجال
انا دائما صح
انا ما بغلط لحتى اعتزر
انا معصوم عن الغلط لاني رجال
واخيرا انا شرقي
لهيك انا رجال (شي بهوي)من هيك رجولية
؟
:wavey:

[ABEER]

شكرا عزيزي مرسى يا رجال
هلا ما اختلفنا انو انت رجال
بس انا بدي رأيك الك انت مو رأي الرجل الشرقي اللي انت عم تورجينا يا بدي رأيك كرجل عادي لا شرقي ولا غربي رأيك الشخصي شو ماكان ما بدي الرأي العام بالموضوع
بتمنى تكون فهمت شو قصدي

[mrsa]

تكرم عيونك يا انستنا الصغيرة
انا اليي بعتزر لانو اكيد ما رح ينقص شي
من شخصيتي اذا كنت غلط واعتذرة
بالعكس رح يقوي هل الشي العلاقة بين الرجل و المراءة
ورح يعطي رد فعل ايجابي للطرفين واكيد كل واحد رح يتدارك
الخطاء لحتى يراعي مشاعر الطرف التاني
وبرجع بقول اذا كان الغلط غلطي رح اعتذر بكل فرح و محبة
وشكرا لك الانسة الصغيرة على هل المواضيع الحلوة

؟

:smash:

[Yacoub]

أنا أؤيد كل كلمة قالها mrsa بالاضافة الى ردات فعل الرجال فهناك حسب نفسية الرجل " متعصب , غاضب , مرح ...الخ "
أو البيئة الاجتماعية التي عاش فيها أو حسب الموقف الذي دار بينه وبين المرأة .:koolaid:

[تموز]

يعني فعلا غريب . . . . ( اسمحيلي عبير بعد أذنك ) مو معقول هاد التحامل على الرجال كل هيك .. ودائما بتوجهولوا اتهامات بأنو شرقي ( ئي فضحتونا بأنو الرجال شرقي ) طيب المرأة عندنا مو شرقية ؟؟؟ ولما الرجال بيعتذر مثلا شو بتفهم المرأة من هاد الاعتذار . . . ؟؟؟

أكيد المرأة بتفهموا أنو تنازل . . . لأن المرأة كمان شرقية وتفكيرها بحكم تجربتها المحدودة للحياة قصير ومحدود كمان . . . وممكن البنت أو المرأة تشوف حالها إذا الرجال اعتذر لأن عندها يعتبر هاد الشي تنازل . . .

بالنسبة الي ممكن أعتذر بس يا هل ترى ممكن المرأة تقبل هاد الاعتذار بروح حضارية وما تعتبرو ضعف أو تنازل . . . . ؟؟؟؟
ومنشان هيك بطلت أعتذر وخليني كون شرقي لحتى تخرج المرأة عن شرقيتها . . .

لأن مو معقول تطالبونا نكون مو شرقيين ( مارح قول غربيين ) وأنتو بتضلوا شرقيين . . . . . طيب صيروا مو شرقيين لحتى نصير نحنا مو شرقيين . . . .وبعدين منشوف كيف بيصير للإعتذار طابع آخر . . .

ئيواااااااااااا لا عد تقربوا على الرجال الشرقي حاج . . . . حرام . . . . والله هو مسكين . . . .

[ABEER]

شكرا للكل على مرورون عل الموضوع وعلى ارائون
شكرا لمرسى ويعقوب على تفهمون الحلو
عزيزي مؤيد أنا بشكرك على رأيك وبحترمو
بس سمعان حكيك هاد هاد أكبر مثال على الرجل الشرقي اللي عم نحكي عنو
يعني المرأة كل هل التنازل اللي بتقدمو للرجل ما عاد نفع يعني خسارة فيا كلمة وحدة اعتذار يعني كلمة أسف شو رح تعمل فيك أنت ولا شو حاتنقص من قيمتك
وأنا ماني متحاملة على الرجل الشرقي لاني ما تنسا اني امرأة شرقية بس ليش دايما نحنا اي غلط بيكون موجود فينا بنقول لانو نحنا شرقيين وعايششين بمجتمع شرقي
بس لانك شرقي للعضم متل ماني شايفة شوف ردة فعلك شلون كانت عا كم كلمة كتبتون طل الحقد اللي جواتك طلعتو
وبكل الاحوال شكرا على رأيك وبيقى رأيك الشخصي الك وبس

[تموز]

ئيوة عبير ئيوة . . . . طلعي يلي عندك . . . . . بدك تعملي القصة حقد وكره وعقد نقص وما بعرف شو . . . . طيب شو قصتك . . . . معقول . . . بس معلش هاد الحكي بيعبر عنك أنت وبس. . .

ومو مشكلة إذا هيك رأيك فيني . . . . .. .

على كل بسيطة ويلي عم قولو أنا أنو كيف الرجل الشرقي بدو يتقدم بالاعتذار للمرأة الشرقية . . .

ما بيصير . . لأن المرأة الشرقية أساسا ما بتحب الرجل تبعها يعتذر . . .
في عندي قاعدة أنو الصح على الغلط ما بيركب . . . وطبعا بالنسبة الي ما بعتبر حالي شرقي كتير . . كمؤيد طبعا . . . وأنا مستعد أعتذر وهاد شي طبيعي ما بينقصني شي بس مو أمام أمرأة شرقية حتما وإنما أمام أمرأة تقدر معنى الاعتذار . . .

وتاني مرة لا تقولي حقود ئي . . . لأن أنا مو هيك . . على كل مارح دافع عن حالي . . . ما في داعي . . .

وما رح ركز على هي الشغلة بقدر موضوع النقاش بس لا تعيديها ئي ؟؟؟

شكرا على كل حال

[تموز]

وعلى كل طالما أنت امرأة شرقية هل أنت قادرة على الاعتذار على كلمة أني حقود مثلا . . . اعتذري لشوف إذا بتقدري تعتذري . . . . وشوفي كيف رح تعتبريه أنت لحالك أنو هاد تنازل . . . مع أنو رح رحب باعتذارك بالرغم من إساءتك الي . . .

[ABO ZOZO]

انا رح اعطيكون رايي بغض النظر عن انا شرقي اولا

انا عندي كتير مهم انو الرجل اذا حس حالو انو غلط ومقتنع انو غلط لازم يعتزر لمين ما كان مجرد مراة او رجل وهاد الشي ما بينقص من رجولتو انا بعتبر انو الاعتذار ما الو علاقة بالرجولة
الو علاقة بتفهم الشخص للرجولة

[Hanan]

الرجل الذكي لا يعتذر أمام أي إمرأة ..
فهو يقدم إعتذاره للمرأة الوحيدة التي لن تنظر إليه نظرة انتصار بعد أن يقدم لها اعتذاره

[ABEER]

شكرا للكل على ردودون ومشاركتون
عزيزي مؤيد أنا بعتذر ما عندي مانع بس لما بغلط وأنا ما بعتبر حالي اني غلطط لا أبدا وأنا امرأة شرقية والي الفخر بهل الشي لانو برجع بقلك القصة مو قصة شرقي ولا غربي القصة قصة انسانية تقديرك لانسان يعني روح قدامك مو لعبة المرأة روح وانسانة والها حقوقها وكيانا المستقل والاعتذار من طرف الرجل اذا كان غلطان مو عيب ولا حرام
وبعدين مين قلك انو المرأة ما بتحب الاعتذار من الرجل بالعكس اذا كان غلطان واعتذر منا بتشوفا قد الدنيا كلا ولا شو
وبرجع بقلك انا ما غلطط بحقك ومشان هيك ما في داعي اني اعتذر
وبرجع كمان بقلك انك حقود لاني انا احترمت رأيك بس أنت ما عم تحترم رأي
وبكل الاحوال هي اختلافات بوجهات النظر بتصير كتير وكل واحد الو رأيو الخاص
وأنا كاتبة هل الموضوع للمناقشة مو اكتر مو لحتى اجي افرض رأيي عليكون
وشكرا

[mrsa]

ولما الرجال بيعتذر مثلا شو بتفهم المرأة من هاد الاعتذار . . . ؟؟؟[/size]

أكيد المرأة بتفهموا أنو تنازل . . . لأن المرأة كمان شرقية وتفكيرها بحكم تجربتها المحدودة للحياة قصير ومحدود كمان . . . وممكن البنت أو المرأة تشوف حالها إذا الرجال اعتذر لأن عندها يعتبر هاد الشي تنازل . . .

بالنسبة الي ممكن أعتذر بس يا هل ترى ممكن المرأة تقبل هاد الاعتذار بروح حضارية وما تعتبرو ضعف أو تنازل . . . . ؟؟؟؟
ومنشان هيك بطلت أعتذر وخليني كون شرقي لحتى تخرج المرأة عن شرقيتها . . .

. . . . عزيزي مؤيد
بعد قرائتي لتعليقك الرائع الذي ان دل يدل على انك رجل شرقي 100000%100
لماذا يا عزيزي تتهم امراءة بالنقص هل انت كامل؟
وتتهم المراة بالتخلف هل انت متطور او حضاري ؟
من سياق كلامك الذي يعبر عن شخصيتك في كل الاحوال
انت يا صديقي تقول ان المراة سوف تاخذ اعتذارك على انه تنازل لانكن
انت اذ اعتذرة لك المراة تعتبره تنازل
واعتقد بانك لا تحب المساوة بين الرجل و المراة وتتهم المراة بانها ناقصة
وغير حضارية
ومن وراء هذا التفكير الشرقي البحت نحن في قائمة الدول التطورة
وانا اعتذر لك سلفا عن رائي الصريح

[النسر]

مرحبا...
بداية مانوع العلاقة بين الرجل والمرأة, اذا كانت العلاقة رسمية<عمل-وظيفة-زمالة ..........>بالتاي سيكون الاعتذار بشكل روتيني
اما علاقة حب او زواج فبرأيي الاعتذار بواسطة الابتسامة اوالنظرة اوالهدية او العزومةابلغ
من الاعتذار الشفهي .
وهذا لايقلل من شأن الرجل
كسنبلة القمح اذا كانت ممتلئة انحنت واذا كانت فارغة انتصبت.
<وليس سي السيد يمثل الرجل الشرقي>

النفوس الكبيرة وحدها تعرف كيف تسامح$$$$$$$$$$$$

[HALA]

شكرا عبير ........لان عرفتينا بموضوعك على ناس ماكنا بنعرفن هيك <?xml:namespace prefix = o ns = "urn:schemas-microsoft-com:office:office" /><o:p></o:p>

يمكن هاد الموضوع موجه للشباب حصرا بس انا براي الاعتذار ماهو انتقاص بالعكس هو دليل حضارة ودبلوماسية<o:p></o:p>

وبالنسبة لسؤالك اذا البنت بترضى بالكلام ولا هاد الشي ما بكفي يمكن انت رجعت جاوبت عليه (بالعامية) نحن البنات بينضحك علينا بكلمتين<o:p></o:p>

يسلمو مرسى انو قدمت لنا نفسك بشخصين متناقضين الرجل الشرقي البحت والرجل المثالي .......بس السؤال أي واحد انت ؟؟؟؟<o:p></o:p>

عزيزي مؤيد انت كونك انسان موهوب ومتل ما سموك مخضرم ......المفرض تكون تخطيت هيك (سفاسف) بدون ما تحسبلا حساب وتكون نظرتك اعمق بهيك مواضيع ......بس انت للاسف من خلال كلامك قدمتلنا شخصية مختلفة عن الشي اللي راسخ بذهنا وطريقة تفكير رجعية نوعا ما <o:p></o:p>

الا اذا انت بتبرر رفضك للاعتذار فقط لبنت(بغض النظر شرقية ولا غربية ) بتشوفو تنازل وقلة قيمة من الطرف التاني .......فبتكون ما بتستاهل الاعتذار وبكون انت معك حق<o:p></o:p>

<o:p> </o:p>

<o:p> </o:p>

[تموز]

بداية أشكر جميع الأصدقاء على المرور وإبداء الرأي وإن كان البعض يحاول التجريح والاساءة عمدا . . .

على كل سابدأ بالرد . . .
عزيزي النسر . . كلامك صحيح تماما مئة بالمئة وهذا هو شكل من اشكال العلاقات وطبيعة التفاعل الاجتماعي الذي يفرز سلوكيات جديدة ما بين المرأة والرجل وتعمق من مظاهر الفعل وردود الفعل . .
أشكرك كثيرا على طرحك الجديد . .

العزيزة هلول : شكرا للإنطباع الذي ترسميه لي ولا شك بأني أعمل لأكون كذلك وهذا ما يتمناه الإنسان وإن كنت أعتبر نفسي لست بهذا الحجم الذي كنتي تعرفيني به . . أما بخصوص موضوع الاعتذار فأنا من كان يطلب الاعتذار ممن أساء لي وكان هذا امتحان لهذا المسيء الذي اتهمني بالحقد دون حتى أدنى مبرر . . ومع ذلك أثبت شرقيته ولم يتنازل أو حتى يعترف باساءته , ,

فكيف تتدعي علي . . .
على كل اشكرك يا هلا . . .

العزيز مرسى :
بعد تعليقك الرائع اكتشفت بأنك مهذب وراقي لأنك ومنذ البداية وفي نهاية تعليقك اعتذرت عن رايك الصريح فيما إذا كان قد يسيء لي ولهذا ساشكرك شكرا جزيلا . .
لكني لم أتهم المرأة بالنقص ولم أدعي بأني كامل . . !!!
ولم أدعي بأن المرأة متخلفة وأنا متطور وحضاري . . . !!!
وطبعا اقول بأن المرأة ستأخذ اعتذاري بأنه تنازل لكني وفي ( سياق كلامي ) حددت من تكون هذه المرأة . . . ولا ننسى بأن هناك مستويات معينة تنطوي تحت نوع الطبقة الاجتماعية ومع ذلك كنا نتعامل بناء على طرحين أي أمرأة شرقية وأخرى مثالية أو غير شرقية ( ولا أريد أن أقول غربية كونها المعاكس والضد لكلمة شرقية ) وبالتالي فقد قلت بأن المرأة الشرقية لا يعنيها الاعتذار بقدر ما تعنيها رجولة الرجل والحفاظ على كبريائه ولو على حسابها وهذا يدل على أني أفرق وأميز هنا بين النموذجين . . . وقلت بأن الصح على الغلط لا يركب أي لا يمكن أن أعتذر من إمرأة تعتبر أن اعتذاري تنازلا . . . باعتبار الشرقية هكذا . . . وهذا لا يعني أني لست من الأشخاص الذين يعترفون بأخطائهم . . فأنا أعتذر إن كان هذا هو الصح في المكان الصح والزمان الصح والاسلوب الصح والشخص الصح . . . والموقف الصح . . .
وتكون مخطئ تماما لو اعتقدت بأني لست مع مساواة المرأة بالرجل بالعكس تماما فأنا من المتحمسين لهذا الطرح ولذلك أتخذ موقفا من المرأة الشرقية التي عرفت بالخنوع و وتكرار مقولة سي السيد . . .
وأنا أمقت هذا النمط الاجتماعي . . . بالعكس أنا ضد كل ذلك
وأرغب بتنوير المرأة وإخراجها من واقعها ونمطها السائد . . . والبائس . . .

================================================
================================================

وبرجع بقلك انا ما غلطط بحقك ومشان هيك ما في داعي اني اعتذر
وبرجع كمان بقلك انك حقود لاني انا احترمت رأيك بس أنت ما عم تحترم رأي


عزيزتي عبير . . . . . لا تعليق على ما قلتيه . . . .

شكرا لك . . .
================================
================================

بقي أن أنوه بشيء أخير . . . . بأنه بتاريخنا ( المشرق ) كله لم يعترف سوى رجلين بأخطائهما
وهما عمر بن الخطاب حين قال أخطأ عمر وأصابت إمرأة وجمال عبد الناصر فيما بعد . . . .

وتاريخنا يا أعزاء بكل رجاله الذين نعرفهم ولا نعرفهم لا أحد يمتلك الجرأة على الاعتراف بالخطأ أو حتى الاعتذار . . . بالرغم من أن وجودهم في هذا الكون هو خطأ . . . .

وشكرا للجميع

[Jack]

أنا ما كنت حابب أتدخل بهيك موضوع
بس ردودكن اضطرتني لأتدخل...

ليش هيك تحاملتو عالزلمة الشرقي...
وعلى مؤيد وانبحتتوا عليه فرد بحتة ...
مؤيد معو حق لأن هو ما قال أنو الرجال الشرقي صح بس قال :
وعلى كل طالما أنت امرأة شرقية هل أنت قادرة على الاعتذار على كلمة أني حقود مثلا . . . اعتذري لشوف إذا بتقدري تعتذري . . . . وشوفي كيف رح تعتبريه أنت لحالك أنو هاد تنازل . . . مع أنو رح رحب باعتذارك بالرغم من إساءتك الي . . . بمعنى أنو مادامت الأنثى عندنا مصرّة تكون إمرأة شرقية فهو مضطر يكون رجل شرقي ولا تتفلسفو وتعملو حالكون مثاليين ومتحضرين ومنفتحين فكرياً...

ولا تواخذونا...وللحديث بقية.

[ABEER]

شكرا للكل يا جماعة انتو حملتو الموضوع كتير الموضوع مهم وانا لما طرحتو لاعرف رأي كل واحد فيكون ووجهة نظرو في وأكيد رح احترما لو شو ما كانت بس بحب اني أعرف وجهات النظر المختلفة فيا
اي وانتو تطرقتو لنقاط معينة بالموضوع بس مو اكتر واخدتوا عا محمل شخصي
واذا بدكون تحسبوا عا صيغة رجل شرقي أنا بحترم الرجل الشرقي وبالعكس بحبو كمان بس مو الرجل الشرقي اللي بتفهمو غلط لا أبدا ورح اترك تعريف الرجل الشرقي بالنسبة الي لحالي لانو هي شغلة خاصة فيني
واذا متل ما عم تحكو انو مسألة مساوة بين الرجل والمرأة أنا وحدة من البنات اللي ما بعتقد أنو ممكن يصير هيك شي لانو مستحيل التساوي بيناتون في شعلات الرجل بيعملا المرأة ما ممكن انو تعملها والعكس صحيح ممكن انون يتساوو بكتير شغلات بس مو بكل شي
وجهة نظر النسر عجبتني وحلوة وبحب قلك أكيد انا بقصد الرجل والمراة اللي بتكون بيناتون علاقة خاصة وشكرا على ردك ومرورك
حبيبتي هلول
انا قلت وبرجع بقول انو نحنا مو معتبرينا مسألة شخصية وكل واحد حر برأيو وشكرا على ردك الحلو
العزيز مرسى
شكرا على صراحتك ولباقتك وأكيد نحنا بنحترم رأيك
العزيز الشرقي المخضرم مؤيد
انا ما تحاملت عليك بشي وأنا ماني مصتقصدتك متل ما عم تقول وأنا بحترم رأيك
بس أنت لاحظ حالك شلون بلشت الرد علي ولاحظ بكلماتك كل التحامل
مو معقول هاد التحامل على الرجال كل هيك
يعني انت مبلش حكيك وردك بشكل هجومي وعم تتهمني اني متحاملة عل الرجال وانا مجرد كنت بدي اعرف شو رأيكون بهل الموضوع او هل النقطة هي
بعدين انت رجعت قلتلي
ئيوة عبير ئيوة . . . . طلعي يلي عندك
ممكن افهم شو هو الشي اللي عندي ومخبا وعم طلعو معناها عم تقصد اني انا الحقودة اللي مخبية جواتي وطلعنا خالصين مؤيد بظن هيك
انا ما رح احسبا هيك بس انت بلشت وتحاملت علي واعتبرتني كاني عم وجهلك الحكي الك وأنا أكيد ما كان هيك قصدي
بعيدن بترجع بتقول انو انت عم تحكي عن المسيء اللي وجهلك اسأة وأثبت شرقيتو
ليش لحتى تعتبر أنو الشرقية شيء مو منيح أو شيء عاطل
عزيزي مؤيد أنا بحترم رأيك وبرجع بقولا مرة تانية وأنا ما قصدت أني أسيء الك باي شي أو أي كلمة بس أنت بلشت حكيك بالهجوم علي كأني عم احكي معك انت وبس ومشان ورجيك حسن نيتي واني ما قصدت شي أنا بعتزر عن الكلمة اللي قلتلك ياها ويمكن طلعت نتيجة ردة فعل معينة
وشكرا الك
جاكو يا جاكو يا مديرنا وحبيب قلبنا انت
انا ما تحاملت عا حدا الله وكيلكون ما تحاملت عا حدا بعدين بدي غار أنا ها
مؤيد بدافع عنو انا معلي ما صفيلي شي طبعا رجال بين بعضكون عم أمزح ها تقومو تحسبوا علي
بعدين جاكو شكلو بدي اكتب موضوع تاني نتناقش في عن الشرقية لانو يظهر الكل عم يفهموا بشكل سلبي وعكسي

وشكرا للكل مرة تانية وبعتزر اني طولت عليكون

[HALA]

مجرد اختلاف بوجهات النظر ليش حملتو الموضوع فوق طاقتو

يمكن انت مؤيد عطيت رأيك بموضوعية ونحن شعب بحب المجاملة........... بس انت عممت وشملت كل البنات (الشرقيات طبعا )وهاد الغلط اللي بنوقع فيه

وبعدين شو يعني امرأة غربية ......شو صارت مقدسة وهي الصح وهي اللي ما بتعطي ابعاد خاطئة لاي موضوع
على كلن مؤيد اذا انت حسيت بكلامي اني غلطت بحقك انا بحب قلك انو انا امرأة شرقية بس بافكار غربية وانا بعتذر منك

[mrsa]

مجرد اختلاف بوجهات النظر ليش حملتو الموضوع فوق طاقتو

يمكن انت مؤيد عطيت رأيك بموضوعية ونحن شعب بحب المجاملة........... بس انت عممت وشملت كل البنات (الشرقيات طبعا )وهاد الغلط اللي بنوقع فيه

وبعدين شو يعني امرأة غربية ......شو صارت مقدسة وهي الصح وهي اللي ما بتعطي ابعاد خاطئة لاي موضوع
على كلن مؤيد اذا انت حسيت بكلامي اني غلطت بحقك انا بحب قلك انو انا امرأة شرقية بس بافكار غربية وانا بعتذر منك

قرار رقم واحد
بما اني رجل شرقي تم اتخاذ بعض القرارات التالية
يجب على المراة ان تساير الرجل وتعتزر منه ولو كان هو على غلط
لانهو رجل شرقي
على المراة ان تقول دائما للرجل امرك و متل ما بدك لانا امراة شرقية
- الرجال قوامون على النساء
-والنساء ناقصات عقل ودين
المراة يجب ان تكون في المنزل وتطيع الرجل لانه اشتراها من اهلها
ودفع ثمنها
لذا يجب ان تكون مجرد خدامة تدير امور المنزل وترعى شؤن الاطفال
وفي اخر اليل يجد ان تصبح فرشة لكي يفرغ
بها الرجل غريزته وشهواته الجنسية لانو رجل شرقي
على الرجل الشرقي ان يعمل السبعة وذمتا بدون ما حدا يقلو شو عم تعمل
لانو هو رجال (طز في هيك رجولية)
بعدين يا انسة هالة المراة مراة كانت شرقية او غربية
ولكن هيهات ان تصلو الى مستوا عقل المراة الغربية
وهيهات ان يصل الرجل الى مسوا عقل الرجل الغربي
وشكرا للمراة الشرقية
شعب اذا ضرب الحذاء برائسه
صاح الحذاء باي زنب اضربي

[ABO ZOZO]

لماذا ننقص من قيمة الرجل والمراة الشرقية ولماذا نعلق ارائنا بشرقيتناان الراي لا يتوقف على الاصل بل على الفكر يعني بالغربما في رايين ليش لنقص من قيمة الشخص الشرقي انا عندي شي بحب قولو انو الشخص بس يغلط لازم يعتزر ولو شو ما كان لان بهيك شي عم يثبت انو قد تحمل المسؤولية وقد تحمل اخطائو وهي هي الرجولة ومع هيك المراةرح تقدر هل الشي واكيد ما رح تحسو انو فقد شي من رجولتو وياريت المرة التانية ناخد الموضوع بارانا الشخصية مو باصلناالشرقي لان كلنا شرقيينوالنا كل واحد رايو

[Jack]

- الرجال قوامون على النساء

-والنساء ناقصات عقل ودين








لأ أنت هيك ما عمتحكي عالعادات والأفكار الشرقية ... هدول مأخوذين من الأحاديث النبوية الشريفة
لكن قصة الشرقنة موجودة قبل الإسلام والأفكار الشرقية متوارثة حتى من قبل المسيحية واليهودية.

[تموز]

طبعا أبو زوزو كلامك صحيح . . . . وأنا لما كنت عم أحكي كنت عم أحكي بشكل عام . . . وعم أوصف الحالة بشكل عام . . . وبالنسبة الي متل ما حكيت أنت أنو ما في شي بينقص من قيمة الرجل وحتى المرأة أنو يعترف كل واحد منن بغلطو ويتحمل المسؤولية بس لو لاحظت من البداية والكل كمان أنو الصيغة يلي أختارتها الصديقة عبير لطرح الموضوع كانت غلط وهي أنو اعتذار الرجل للمرأة وكان يفترض أنو يكون الطرح إعتذار الطرفين من بعض في حال الخطأ . . . .


على كل منتمنى أنو نكون استفدنا شي من هاد النقاش ويكون درس لألنا في كيفية التعامل مع الطرف الآخر . . . . .

وشكرا للجميع

[Yacoub]

أوكي وصلت ....

[HALA]

عزيزي مرسى

كلامك واضح انو هو مجرد استهزاء ونقض ساخر .......بس النتيجة
بناء على كلامي توصلت لقرارك وانو نحن شعب ما بنتعامل غير بهاد الاسلوب
معناها انت اثبتت بكلامك صحة وجهة نظر مؤيد بهاد الموضوع لانك انت اعتبرت ردي على مؤيد واعتذاري منو تنازل

انت بنفسك وقت عقبت على كلام مؤيد وحسيت حالك رديت بجرأة نوعا ما اعتذرت بالنهاية عاى رايك الصريح
وانا بالبداية فهمت كلامو غلط بس هو ببقية الردود وضح كل النقاط وبمنطقية تامة واقتنعت بوجهة نظرو واعتذرت لاني( شرقية وبافكار شرقية )وخليني اكسر القاعدة

نقطة تانية مرسى
نحن عم نحكي بسياق موضوع محدد بغض النظر عن الحضارة اللي توصلا الغرب لان مافينا ننكر هيك شي ......بس انت ليش مذهول بفكرن وليش هيهات نوصل لعقلية المرأة او الرجل الغربي اي (طز بهيك عقلية ..........غربية)

[mrsa]

الانسة هالة
ليس من الضروري التعليق على ردي اذ رائيتي
فيه شيئ من الازتهزاء
لاني لم اوجه الكلام لشخص معين لكي تتحاملي علي
هكذا
وعلى ما اعتقد اني حر بارائي و افكاري
وانا لم اتي بكلامي عن الحضارة الغربية و ما توصلت اليه
هذه الحضارة
انستي
انا لم ااخذ اعتزارك للسيد مؤيد على انه تنازل
ولكني صعقت عندما رايتك بمجرد عتاب
قمتي بتغير رائيك والاعتذار على خطاء لم ترتكبيه
هل هذه هي المراة الشرقية صاحبة الافكار الغربية ربما
ولكني اوجه لكي سؤال مباشر في نهايت تعليقي
هل اصبح ابداء الرائي خطا نحاسب عليه
الرجاء الاجابة بموضوعية لكي نصل الى فكرة تقنع الجميع
احب ان الفت نظرك الى اني لم اعتذر للسيد مؤيد على رائيي
ولكني اعتذرت اذ سبب رائي له اي ازعاج

[Yacoub]

:smash: :smash: :smash: