شو بتسوي النقطة [الأرشيف] - منتديات قرية القنية

Yacoub

11-26-2005, 05:14 PM

شايف النقطة أديش صغيرة ، بس يا أخي بصراحة مفعولها كتير كبير
شلون بقا هيك ، فهمني لشوف
لح أعطيك أمثلة : هلق هنن بيقولولهون غرب بس نحنا بيقولولنا عرب والفرق بيناتنا نقطة
هنن صارو شعب الله المختار ، نحنا صفينا شعب الله المحتار والفرق بيناتنا نقطة
هنن بيفكرو باستغلال الشعوب ونحنا منفكر باستقلال الشعوب والفرق بيناتنا نقطة
يا سيدي هنن قدرو يعملو بين بعضون تحالف ، بس نحنا العرب عملنا بينات بعضنا تخالف والفرق بيناتنا نقطة
هلق هنن عندون المواطن وضعو 100% مزبوط ، بس المواطن عنا وضعو 100 % ‏مربوط والفرق بيناتنا نقطة
يا سيدي هنن إذا صار غلط بحياتون بيدورو على حكوماتون وبيعملولها إحراج ، أما نحنا إذا صار شي منسكت ومناكل هوا والحكومة بتعمل للغلط إخراج
أصلاً أنت بتعرف ليش وصلنا لهلحالة ؟
ليش ؟
لأنو هنن بيتفاهمو بينات بعضون بلغة الحوار ، بس نحنا منتفاهم بينات بعضنا بالخوار والفرق بيناتنا نقطة
و مواطنون وصل لمرحلة الحصانة ، بينما نحنا مواطنا لسعتو عم يعيش مرحلة الحضانة والفرق بيناتنا نقطة
لك بوووس أيدك وطي صوتك ، ليأوامو يسمعونا المحابرات
ليش مو على أساس كل واحد يحكي على كيفو والبلد صار فيها شوية ( خرّيّة) ؟ !!!

الياس جرتتيان

11-26-2005, 10:02 PM

عزيزي يعقوب من بعد التحية
موضوعك كتير كتير كتير كتير حلو
شايف النقطة شو بتساوي بتخرب الدنيا واهم شي بالحياة ان الانسان ينتبه على كل نقطة بيوضعا عليه ان يوضعها بالموقع الصحيح علينا مو بس نقرا ما بين السطور علينا ايضا ان نقرا ما بين النقاط والحروف
فعلا هز الورد جاب نتيجة معك يا يعقوب وهلق عم نشم الريحة الطيبة الزكية بتمنى منك يا يعقوب تتابع بهالمثابرة

Jack

11-26-2005, 10:02 PM

يا سيدي بالفعل ممتازة هالنقطة
بلاها كنا ارتحنا كتير
وآآآآآآآآآآخ لو فيني أشرحلك من وين أجت هالنقطة...
بس صعب صعب كتير منروح دبلّكة كلياتنا بما فينا الأعضاء اللي بلا ولا مشاركة...

ABO ZOZO

11-26-2005, 10:41 PM

والله يا يعقوب موضوعك حلو كتير لان نقطة صغيرةبتغير كلشي بها الدنيا خصوصي اذا ما نوضعت بمكانا
مثل من عندي كمان
النقطة بتغير النعمة لنغمة وبتغير النغمة ل نقمة وبتغير النفط لنقط وبتغير الدم لذم
وبتغير الجرب لحرب وبتغير كتير مشان هيك لازم نستفيد من النقطة ونحطا بمحلا مشان يكون كلشي سليم بحياتنا وهاد الموضوع نقطة مضيئة عندك لازم تضل تستعملا لنقدر نوصل للقمة سوا وتضل تفيدنا بمواضيعك الحلوة

Yacoub

11-27-2005, 12:57 PM

شكر لكل من قرأ ورد على الموضوع وأنني مبسوط لأنو الموضوع عجبكن ...

ابوعذاب

11-27-2005, 02:22 PM

ولو ابو ديمو الموضوع حلو لانو انت

كتبتو شكرا كتير بالفعل متل مابيقول
ملحم بركات العزاب يا حبيبي شو بيعمل
بالعاشق.ونفس الشيء النقطة يا حبيبي
بتعمل بكتير كلمات ...

mrsa

11-27-2005, 06:08 PM

اباوووووووووووووووووووووووو
العمى كل هل الشي عملتو نقطة وحدة منيح ما كانت
غير شي كل الحق على النقطة
وفعلا الله يسترنا من هيك نقط
يسلو يعقوبي على هل الموضوع
فعلا شي حلو

Yacoub

11-29-2005, 03:43 AM

ولو يا mrsa المهم عجبك الموضوع وشكرا للمروركم

bshara

11-29-2005, 08:01 PM

لعمى لعمى إذا نقطة وحدة عملت كل هاشي بقا كيف لوكانت مجموعة ولييييييييييييييييي
:whoa:
بتشكرك يعقوب والله ماكنا عاملين حساب هالنقطة ........
بس تذكرت غنية ما بعرف مين بغنيا (بس المغنية كانت حلوة ليش الكذب أدائها رائع )
ضع النقط على الحروف..........الكمالة عندكن

eyad

12-05-2005, 10:52 PM

يا أحي

حد

هالموصوع فيه حرأة عير غادية

:a5: